´óÏó´«Ã½

Yr awdur, cyhoeddwr ac ymgyrchydd iaith Heini Gruffudd sy'n Ateb y Galw yr wythnos yma wedi iddo gael ei enwebu gan ei frawd Robat Gruffudd yr wythnos diwethaf.

Cwympo mewn i lyn yn yr Almaen, yn fy nillad, pan o'n i'n bedair oed.

Wrth fynd i'r ysgol gynradd am y tro cyntaf, ro'n i'n dal dwylo â Non Griffiths, merch y dramodydd, John Griffiths. Ro'n ni'n byw yn yr un stryd a'r ddau ohonon ni'n rhannu'r un ofn - sef fy mrawd mawr Robat a'i chwaer fawr hi, Margaret. Margaret oedd y prif ofn.

Embaras yn hytrach na chywilydd: Golygfa: mewn cawod mewn fflat yn Port de Soller. Canodd y ffôn. Efa fy merch yn ffonio o'r traeth, am i mi weld oedd bwced a rhaw yn y cwpwrdd y tu allan i'r fflat. Gan fod y coridor tu allan yn weddol gysgodol, es i mas fel yr oeddwn. Daeth chwa o wynt a slamo'r drws ar gau. Diolch am y ffôn a'r bwced.

Ro'n i'n paratoi cawl yr wythnos hon, ac yn pilo wynwns.

Dwdlo mewn cyfarfodydd sy'n trafod pethau pwysig am yr iaith (ac rwy wedi bod mewn 876 o gyfarfodydd o'r fath hyd yn hyn.) Mae dwdlo'n cadw dyn yn gall.

Mynydd Gelliwastad - lle i ddyn gael llonydd uwchben bwrlwm y dref, yn edrych tua'r wlad a'r bryniau, ac mae cnwd da o lusi duon bach yma.

Rwy'n eu cael yn aml. Yn weddol ddiweddar, gwylio'r haul yn machlud yn Port de Soller, ac yna'r lleuad yn codi'n felyn fawr dros y mynyddoedd. Yn fwy diweddar, gwylio'r sêr a chaer Gwydion yn Llanofer. Heno: magu Euriana'n wên i gyd o dan goed yr ardd.

Rhamantydd, tad, tad-cu

Dim amheuaeth: 'Y Llewpart', gan Guiseppe Tomasi di Lampedusa, tywysog olaf Lampedusa. Fe ddarllenais y cyfieithiad Cymraeg yn Sisili, a do'n i ddim am i'r llyfr ddod i ben. Mae'n darlunio ac yn dehongli hanes ei ynys, hanes yn gyffredinol, ac yn bennaf, y natur ddynol.

Siwt nofio. Gweler uchod wrth gwrs, ond diolch byth nad yw bae Abertawe ar Fôr y Canoldir. Fel rheol rwy'n ei gael i mi fy hun.

Cyfres 'The Night Manager' ar deledu ´óÏó´«Ã½. Rwy ar ganol y nofel nawr, ac mae'n llawn gwirioneddau. Mae gwladwriaethau'r byd wrth eu bodd yn gadael i ddihirod werthu arfau i bob cnaf posibl. Mae'r gwledydd mawr yn ymgyfoethogi wrth ddryllio'r byd yn ddarnau.

Anthony Hopkins, ar sail ei berfformiad yn 'The Remains of the Day'. Dyw hi byth yn rhy hwyr.

Fy albwm lluniau diwethaf, taith gyda fy nghyfeillion llenyddol i Groatia. Dim ond dau ohonon ni aeth i'r traeth unig ar ynys fach Drevnik Mali. Gweler atebion 3 a 9 hefyd.

Melon gyda llusi duon bach Mynydd Gelli Wastad, cig eidion gyda ffa dringo o'r ardd, a phwdin reis. Sut galla i ddewis rhyngddyn nhw?

Carwyn Jones. Byddwn yn rhoi ar waith yr holl bethau a ddysgais yn yr 876 cyfarfod.

Ben Davies