´óÏó´«Ã½

Mae ceisio darganfod beth yn union yw'r rheolau wrth ddyblu 'n' bron wedi bod yn drech na ni yn ´óÏó´«Ã½ Cymru Fyw ond gobeithio bod y fideo yma yn help.

Ac os ydych chi eisiau barn Geraint Lovgreen am y cyfan, gwrandewch ar y clip isod.

Roedd Geraint yn siarad ar raglen Aled Hughes, Radio Cymru, ar ôl bod yn trafod ei erthygl am reolau to bach ar Cymru Fyw.

Meddai Geraint:

"Mae eisiau sgrapio dwy 'n' yn gyfan gwbl - mae'n wast o amser - wast o inc!

"Ond mae na reswm - er enghraifft y gair 'tanau', mwy nag un 'tân' ydy 'tanau' efo un 'n', mwy nag un tant - er enghraifft ar delyn - ydy 'tannau' efo dwy 'n'. Mae'r 'nt' yn troi'n 'nn'.

"Yn y de maen nhw yn gwahaniaethu, maen nhw'n dweud ta-a-anau a tanau.

"Felly maen nhw yn gwahaniaethu rhwng y sain.

"Ond fysen ni'n gallu cael gwared ar y ddwy 'nn' a rhoi to bach ar ben tânau.

"Roedd Iolo Morganwg yn sillafu ei enw efo un 'n' ond mae sir Morgannwg efo dwy 'n'.

"Eifionydd - un 'n' ond Meirionnydd dwy 'n' - mae hynny'n dangos bod yr holl beth yn ddiystyr!"