C么r Ysgol Pen Barras yn cipio gwobr C么r Cymru Cynradd
- Cyhoeddwyd
Ysgol Pen Barras yw enillwyr C么r Cymru Cynradd 2017
C么r Ysgol Pen Barras o Rhuthun gipiodd wobr C么r Cynradd Cymru 2017 wedi gwledd o berfformiadau gan bedair ysgol yng Nghanolfan y Celfyddydau yn Aberystwyth nos Sadwrn.
Y pedair ysgol oedd yn cystadlu am y teitl oedd Teilo Sant o Landeilo, Ysgol Iau Llangennech ger Llanelli, Llwyncelyn o'r Porth yn y Rhondda yn ogystal 芒 Phen Barras.
Roedd yna ddathlu mawr pan gyhoeddwyd yr enillwyr, gyda chanmoliaeth hefyd i bawb a berfformiodd.
Roedd y gantores Elin Manahan Thomas, fu'n gwrando ar y perfformiadau, yn hael ei chanmoliaeth: "Dwi 'di cael gwledd o amser, ac mae'r safon wedi bod yn hynod o uchel. Yr ymdroddiad y brwdfrydedd a'r egni yn wych oddi wrth bawb."
Roedd arwain y plant yn fraint, medd yr arweinydd Sioned Haf Roberts
Ac wrth dderbyn y wobr, roedd arweinydd C么r Ysgol Ben Barras, Sioned Haf Roberts wrth ei bodd: "Dwi wedi mopio'n lan mae'n rhaid dweud, teimlo'n freintiedig iawn fy mod i'n cael arwain y plant yma.
"Dwi'n andros o ddiolchar i'r plant, maen nhw'n frwdfrydig. Dwi'n andros o ddiolchgar i'r rhieni am eu cefnogaeth, ond alla i ddim sefyll fama ar ben fy hun - mae Elin Owen yn haeddu hwn efo fi hefyd. Felly mae hwn i Elin a fi, y plant, y staff a'r rhieni."
A bydd y cystadlu'n parhau yn Aberystwyth nos Sul pan fydd enillwyr y gwahanol gategor茂au yn mynd benben a'i gilydd i geisio cipio prif wobr C么r Cymru 2017, gyda'r rhaglen yn dechrau ar S4C am 18:30.