´óÏó´«Ã½

Mae Heddlu Gogledd Cymru wedi cadarnhau bod dynes a gafodd ei hanafu'n ddifrifol mewn digwyddiad yn Ninbych yn gynnar fore Sadwrn wedi marw o'i hanafiadau.

Cafodd plismyn eu galw i brif stryd y dref am 04:00 ddydd Sadwrn yn dilyn adroddiadau fod dau o bobl wedi cael eu trywanu.

Bu'n rhaid i ddyn a dynes gael eu cludo i ysbyty i gael triniaeth.

Cafodd dyn ei gadw yn y ddalfa, a'i gyhuddo mewn cysylltiad a'r digwyddiad. Bydd yn mynd o flaen ynadon yn Llandudno fore Llun.

Dywedodd yr heddlu bod eu hymchwiliad i'r achos yn parhau.