Bychanu cyflwr OCD yn atal 'cymorth angenrheidiol'

Ffynhonnell y llun, Thinkstock

Mae'r ffaith fod anhwylder obsesiynol, OCD, yn cael ei fychanu yn atal nifer rhag cael y cymorth angenrheidiol yn 么l un elusen.

Mae OCD-UK yn dweud bod 36,000 o bobl yng Nghymru yn byw gyda'r cyflwr, ac yn gorfod delio gyda'r broblem eu hunain oherwydd y stigma.

Mae Mind Cymru yn galw ar i bob meddyg teulu gael hyfforddiant er mwyn adnabod y symptomau.

Mae darlithydd seicoleg o Brifysgol Caerdydd wedi dweud hefyd bod cyfnod o bump i saith mis rhwng diagnosis a thriniaeth yn "broblem fawr".

Mae Sara Moseley sy'n gyfarwyddwr elusen Mind Cymru wedi galw'r gwasanaethau meddygon teulu yn "fratiog" gyda nifer o ddioddefwyr OCD yn gwaethygu oherwydd amseroedd hir cyn gweld therapyddion.

'Rhwystr enfawr'

Ychwanegodd Ms Moseley fod angen "gwell ymwybyddiaeth o sut mae'r cyflwr yn gysylltiedig 芒 chyflyrau eraill fel gofid ac iselder".

Dywedodd Dr Athanasios Hassoulas o Brifysgol Caerdydd, wrth gyfeirio at bobl ifanc yn ei harddegau sy'n dioddef o'r cyflwr, ei bod yn gyffredin iddyn nhw beidio 芒 deall beth yr oedden nhw'n mynd drwyddo, tra bod y wybodaeth sydd ar gael ddim wastad yn gywir, sy'n golygu nad ydyn nhw eisiau siarad gyda'r meddyg teulu.

Disgrifiodd y broblem fel "rhwystr enfawr" gan ychwanegu "nad oedd iach芒d eto".

Dywedodd Llywodraeth Cymru eu bod wedi buddsoddi 拢3m yn y ddwy flynedd ddiwethaf mewn therapi seicolegol i helpu pobl gyda chyflyrau fel OCD.

Dywedodd llefarydd fod "y rhan fwyaf o bobl sy'n dioddef o gyflyrau iechyd meddwl yn ymateb yn well i driniaeth yn y gymuned".

Ers 2103, mae 125,000 o gleifion, gan gynnwys rhai gyda OCD wedi derbyn cefnogaeth gan wasanaethau gofal cymunedol.