´óÏó´«Ã½

Tro'r cyflwynydd Aled Samuel yw hi i Ateb y Galw yr wythnos hon, wedi iddo gael ei enwebu gan Cleif Harpwood wythnos diwetha'.

Fy atgof cynta' yw tollti tun o baent dros ben y ferch oedd yn byw dau ddrws lan yng Nghwmafan. Ond ers hynny, dwi wedi deall mai HI dolltodd y paent dros fy mhen I! On'd yw atgofion yn dwyllodrus?!

Heblaw am ferch o'r enw Rhian Denby o'r ysgol, Dusty Springfield, definitely... gyda rhyw dwtsh bach o Helen Shapiro.

Deffro'n borcyn y tu allan i ddrws fy 'stafell gwesty a gorfod cripian i lawr i'r dderbynfa i ôl yr allwedd, gan wybod fod yna far llawn pobl drws nesa' iddo. Yn ffodus, roedden nhw i gyd rownd y gornel! Dim meddwdod oedd hyn - cerdded yn fy nghwsg o'n i. Dwi ddim wedi gwneud ers blynydde, ond dwi bob amser yn gwisgo pyjamas nawr, rhag ofn!

Pan glywais i Lleuwen Steffan yn canu yn Pontio dros yr haf. Mae 'na rywbeth rhyfeddol amdani.

Faint o amser sy' 'da chi?! Cannoedd! Y prif un yw rhoi off gorfod gwneud penderfyniadau - 'na i jest aros ac aros...

Am gwestiwn anodd - mae gen i lot ohonyn nhw. Mae lle dwi'n byw yn amlwg yn arbennig, a dwi'n mynd am dro i Gastell Dinefwr yn aml efo Rhian, y wraig. Dwi'n trio dychwelyd i Gwmafan yn eithaf rheolaidd, ac ro'n ni'n mynd i Geinewydd ar wyliau eithaf dipyn. O a mae Trefaldwyn yn hyfryd... Llawer gormod i'w henwi!

Dwi'n cofio un noson arbennig dreulion ni fel teulu ar draeth yn San Sebastián, yn gwylio tân gwyllt anhygoel. Roedd hwnnw'n eitha' sbesial. A 'na i fyth anghofio Nerys Jones, cyfaill Rhian, yn canu Let the Bright Seraphim yn ystod ein gwasanaeth priodas ni, a thrympedwr yn ymuno mewn i gyfeilio o'r balconi. Bythgofiadwy!

Hen, tew, blin.

Fy hoff ffilm Gymraeg yw Aderyn Papur, sef hen hen ffilm gyda Richard Love. Mae gen i lot o hoff rai Saesneg, ond mae'n siŵr mai Heat of the Night gyda Sidney Poitier a Rod Steiger sy'n ennill.

Dwi'n meddwl 'sa hi'n braf cael diod gyda Jim, fy Nhad-cu, gan mod i ddim wedi bod digon hen i gael peint 'da fe pan oedd e'n fyw.

Mae pawb yn gwybod y rhan fwyaf o bethau amdana' i, gan mod i mor llafar! Ond mae'n siŵr fod llawer o bobl ddim yn gwybod mai Rhian ofynnodd i mi ei phriodi hi. Mae hi'n dweud y basen ni dal yn ddi-briod tasai hi'n aros amdana i (gweler y cwestiwn uchod am fy arferion drwg...)!

Dwi'n meddwl 'swn i'n gwneud yn union yr un fath â phob diwrnod arall. Dwi'n teimlo weithiau fod yna ormod o bwysau i'r dyddiau 'pwysig' 'ma, fel Nadolig a Nos Calan, fod yn 'fawr'. Waeth i chi jest mwynhau be' chi'n ei 'neud.

Dwi wrth fy modd â Cymru, Lloegr a Llanrwst gan Y Cyrff - mae'n wefreiddiol ac yn llawn egni, a dwi'n dwli arno fe! O ran sengl Saesneg, dwi wastad wedi hoffi You're all I need to get by gan Marvin Gaye a Tammi Terrell - mae'n gân grefftus iawn.

Cwrs cyntaf fyddai pysgod o ryw fath, a dwi'n meddwl mai pysgod fyddai'r prif gwrs hefyd - dwi wrth fy modd gyda phenfras (a 'swn i'n bwyta 'sgod a sglod a phys unrhyw adeg o'r dydd!). Ac o ran pwdin... mae fy ngwraig bob amser yn dweud fy mod i'n aros i'r gweinydd fynd drwy'r rhestr hirfaith o bwdinau, cyn gofyn "Do you have any ice cream?". Dwi wrth fy modd â hufen iâ, ac yn ffodus mae 'na gwmni hufen iâ hyfryd a blasus iawn yma yn Llandeilo.

Rhywun iau, teneuach a llai grumpy...!

Rhys ap William