´óÏó´«Ã½

Yr actor Carwyn Glyn sydd yn Ateb y Galw yr wythnos hon, wedi iddo gael ei enwebu gan Rhys ap William wythnos diwetha'.

Mynd gyda fy nhadcu i Barc Y Strade pan o'n i o gwmpas pedair oed a mwynhau bwrlwm y prynhawn yng nghanol y dorf. Saith mlynedd ar hugain yn ddiweddarach, rwy dal i fynd i'r gemau, ond fydd unman yn debyg i'r Strade.

Oedd rhaglen Gladiators yn beth mawr ar nos Sadwrn pan o'n i'n tyfu fyny, a wy'n cofio cael soft spot am Lightning, yr un gyda gwallt hir melyn.

Rwy'n berson emosiynol iawn felly wy'n hopeless â phethe hapus a thrist. Ond yn ddiweddar, 'nes i grïo yn y gwaith gan bod cymeriad Linda (fy mam ar Pobol y Cwm) wedi marw.

Fi'n teithio 'nôl i'r gorllewin yn aml i weld teulu a ffrindie, ac wrth gwrs i weld y Scarlets, a ma'r car yn gallu mynd yn llawn dop o gwpanau coffi, poteli pop a phapurau losin cyn i fi fentro ei glirio.

Adre - Cwm Gwendraeth, ardal sydd yn llawn hanes a chymeriadau di-ri a phentrefi bychain sy' dal yn llawn Cymreictod. Rwy'n dwli byw yn y ddinas ond mae adre dal yn y gorllewin.

Nifer i'w rhestru, o gemau rygbi penodol i ddathliadau teulu a ffrindie, ond efallai un gwahanol oedd pan o'n i draw yng nghwrs rasio Fairyhouse tu allan i Ddulyn.

Ma' 'da fi sawl ffrind draw yn Iwerddon ac o'dd teulu un ohonyn nhw yn berchen ar geffyl oedd yn rasio yn ras fawr y Powers Gold Cup yn 2014. Dim ond pedwar oedd yn y ras fawr, dau o stabl Willie Mullins ac un o stabl Gordon Elliot, dau enw enfawr yn y byd rasio ceffyle, ac un fy ffrind o stabl Mick Winters, un bach iawn yng ngorllewin Cork yng nghanol y wlad.

Pawb yn dawel drwy gydol y ras tan y cornel d'wetha', pan oddan nhw gyd yn dechrau symud mlaen am y lle gorau gyda ceffyl fy ffrind o dan arweiniaeth y bonheddwr Barry Geraghty yn pingio'r cloddie ac yn tynnu bant o'r gweddill ac ennill o sawl metr.

Neis gweld y bobl bach yn maeddu'r cewri! Ath pawb yn wyllt, ac o'dd y champers a'r Guinness yn llifo dan ganu mawr tan orie man y bore. Rebel Fitz - Ceffyl Cork - Ceffyl y bobl bach!

Ffyddlon, Cefnogol, Unionsyth.

Fydden i'n gwylio ffilmiau lot mwy 'na darllen. Allen i byth weud fod yna un yn benodol, ond ffilmiau comedi fydden i'n eu mwynhau orau.

Oliver Reed. Fyddai'n bleser eistedd am oriau gyda fe dros wydryn a chael gwbod yr holl streon wrth y dyn ei hun, ar ôl darllen a chlywed gymaint am ei waith, ei fywyd a hanes ei holl driciau meddwol a sobor.

Ers sawl blwyddyn bellach, rwy wedi bod yn rhedeg syndicate rasio ceffylau, gyda'r ceffyl yn stablau'r hyfforddwr Sam Thomas yn Lambourn.

Cael un parti mawr.

Mae fy newis o gerddoriaeth mor eang mae'n anodd dewis un gan ei fod e'n newid bob hyn a hyn. Ond yr un sydd wedi cael ei chwarae mwya' ar fy playlist i yw Miami 2017 gan Billy Joel. Rwy'n hoff iawn o'i ganeuon ac wedi ei weld yn fyw ddwywaith.

Mae ganddo sioe arbennig sy'n para' bron i dair awr heb stop. Mae'n agor gyda'r gân yma. Eith popeth yn dywyll cyn i'r golau ddod ar y piano, yna syth mewn i'r geiriau.

Prif gwrs - stecen!

Un o chwaraewyr rygbi Cymru ar ddiwrnod gêm rygbi rhyngwladol i brofi cerdded allan ar y cae o flaen holl dorf a sŵn y stadiwm.

Amy Wadge