Blychau'n cau yn Isetholiad Alun a Glannau Dyfrdwy
- Cyhoeddwyd
Mae'r blychau wedi cau yn yr isetholiad i gynrhychioli etholaeth Alun a Glannau Dyfrdwy yn y Cynulliad Cenedlaethol.
Daeth y sedd yn wag yn dilyn marwolaeth y cyn-weinidog Llafur, Carl Sargeant ym mis Tachwedd y llynedd.
Mae pum ymgeisydd yn sefyll ac yn cynrychioli Llafur, y Ceidwadwyr, y Blaid Werdd, y Democratiaid Rhyddfrydol a Phlaid Cymru.
Mae disgwyl i'r canlyniad gael ei gyhoeddi yn oriau m芒n fore Mercher.
Mab Carl Sargeant, Jack Sargeant yw'r ymgeisydd Llafur, gyda Sarah Atherton ar ran y Ceidwadwyr, Duncan Rees i'r Blaid Werdd, Donna Lalek i'r Democratiaid Rhyddfrydol a Carrie Harper dros Blaid Cymru.
Yn yr Etholiad Cynulliad diwethaf yn 2016 roedd gan y blaid Lafur fwyafrif o 5,364 dros y Ceidwadwyr oedd yn ail a UKIP yn drydydd.