Lluniau: Ras 100 milltir Sir Benfro
- Cyhoeddwyd
Ar benwythnos Mai 12-13 roedd ras 'ultra' 100 milltir yn cael ei chynnal ar hyd arfordir Sir Benfro.
Roedd y ras yn dechrau am 8:00am fore Sadwrn o Dale ger Aberdaugleddau, ac roedd gan y cystadleuwyr hyd at 8:00pm nos Sul i gwblhau y ras, gan orffen yn Llandudoch.
Un o'r rheiny oedd yn rhedeg ras 100 milltir am y tro cyntaf oedd Christian Servini o Gaerdydd, ac fe gadwodd gofnod o'i daith mewn lluniau.
Codi'n gynnar yn Aberteifi a dal y bws i Dale i ddechrau'r ras.
Y gwaith paratoi wedi ei gwblhau a dyma fi'n barod i fynd.
Ychydig filltiroedd i mewn i'r ras ac yn mwynhau arfordir Penfro yn barod.
Un o'r nifer fawr o gamfeydd ar y llwybr.
Doedd y siwrne i gyd ddim yn fflat - roedd 5,000m o ddringo ar y llwybr o Dale i Landudoch.
Gan fod y ras yn dilyn llwybr yr arfordir, roedd yn hawdd i ni ffeindio ein ffordd...
Wedi awr o redeg, amser am hunlun sydyn.
Mae'r llwybr yn gallu bod yn ddigon twyllodrus - felly mae arwyddion fel hyn yn gallu bod yn ddefnyddiol!
Y checkpoint cynta wedi 15 milltir - amser am pop a 'chydig o fwyd.
Doedd y ceffylau ddim i'w gweld yn meindio ni'n rhedeg yn eu plith.
Cyrraedd Niwgwl wedi chwe awr o redeg. Amser am rywbeth sydyn i fwyta mewn caffi.
Roedd yn anrhydedd rhedeg mewn golygfeydd o'r fath.
Defaid yn yr ymuno 芒'r ras.
Doeddwn i heb redeg drwy'r nos o'r blaen, ac roeddwn yn nerfus gyda'r haul yn machlud ar y gorwel. Ond roeddwn yn rhedeg gyda dau arall erbyn hyn, ac wedi penderfynu sticio gyda'n gilydd drwy'r nos.
Hunlun arall wedi 13 awr o redeg - y blinder wir yn dechrau cael effaith erbyn hyn.
Y nifer o gamau roeddwn wedi eu gwneud erbyn iddi nosi.
Checkpoint am 2 y bore: hot dogs, te a custard creams. Roedden ni yno am 15 munud ac roedd wir angen y cyfnod i orffwys.
Yr haul yn gwawrio - golygfa hyfryd i gymryd fy sylw o'r boen ofnadwy yn fy nghoesau!
Efallai o ddiddordeb: