����ý

Doedd perfformiad "anhygoel" Gruffydd Wyn Roberts yn rownd derfynol Britain's Got Talent ddim yn ddigon iddo ennill y gystadleuaeth.

Roedd y gynulleidfa a'r beirniaid ar eu traed ar gyfer perfformiad Gruffydd, 22 oed o Amlwch, oedd yn fyw ar ITV1 nos Sul. Fe ganodd Perfect Symphony gan Ed Sheeran ac Andrea Bocelli.

Cafodd ganmoliaeth uchel gan y pedwar beirniad - Amanda Holden, Simon Cowell, David Walliams ac Alesha Dixon - ac fe ddisgrifiwyd ei berfformiad fel un "perffaith" ac "anhygoel".

Gwylwyr y sioe oedd yn dewis yr enillydd, a hynny drwy bleidlais, a Lost Voice Guy oedd yn fuddugol - mi fydd yn mynd ymlaen i berfformio yn y Royal Variety Performance.

Fe wnaeth cannoedd o bobl leol wylio perfformiad Gruffydd ar sgrîn fawr ym Mhorth Amlwch.

Fe enillodd Gruffydd le yn y ffeinal drwy bleidlais y gwylwyr yn y rownd gyn-derfynol nos Fercher yn yr Apollo, Hammersmith.

Fe ganodd Nelle Tue Mani, gafodd ei chanu gan Andrea Bocelli yn y ffilm Gladiator.

Roedd eisoes wedi swyno'r beirniaid yn y rownd gyntaf gyda'i berfformiad arbennig o Nessun Dorma.

Cyn y ffeinal dywedodd Osian, brawd mawr Gruffydd: "Mae'r gefnogaeth mae Gruff wedi ei gael gan bobl Amlwch, pobl Ynys Môn a phobl Cymru wedi bod yn ffantastig".

"Mae'i fyd o wedi newid ar ei ben" ychwanegodd, "a rydan ni'n ddiolchgar iawn i bawb."

Gallwch wylio perfformiad Gruff yn y rownd derfynol nos Sul ar .