Anelu'n uchel yn Nyffryn Dyfi gyda ras feicio lawr mynydd
- Cyhoeddwyd
Dywed Dan Atherton ei fod wedi dylunio cymal olaf mwy heriol
Mae yna obeithion y gallai poblogrwydd gynyddol ras feicio mynydd yn ne Gwynedd ddenu rhagor o ddigwyddiadau awyr agored i'r ardal.
Mae ras Red Bull Hardline, sy'n cael ei chynnal am y pumed tro ar lethrau ardal Dinas Mawddwy dros y penwythnos, yn cael ei chydnabod fel un o rasys anoddaf y byd rasio beics lawr mynydd.
Bydd o leiaf 29 o feicwyr mynydd gorau'r byd yn cystadlu gan gynnwys dylunydd y cwrs, Dan Atherton, sy'n byw yn Nyffryn Dyfi.
Mae'r cwrs wedi cael ei ddatblygu ymhellach ar gyfer eleni i wneud y ras yn fwy heriol nag erioed, gan gynnwys naid olaf 65 troedfedd o hyd - yr un maint 芒 phedwar bws dau lawr - cyn cyrraedd y llinell derfyn.
Mae'r cystadleuwyr yn cynnwys y pencampwr byd Gee Atherton - brawd Dan Atherton
Dywedodd Atherton fod y newidiadau'n sicrhau "yr un cyffro yr holl ffordd i lawr" llethr olaf y ras 芒 heriau rhannau eraill y cwrs, sy'n cynnwys mannau carregog a llwybrau cyfyng yng nghanol y goedwig.
"Mae'r cae olaf yn amffitheatr naturiol anhygoel felly roedd yn gwneud synnwyr i wneud mwy o ddefnydd o hwnnw.
"'Dan ni wedi trio cadw cyflymder yr hen gymal olaf ond 'dan ni wedi codi tair naid anferthol mewn rhes a ddylai rhoi syniad go iawn i'r gwylwyr pa mor gyflym mae'r beicwyr yn mynd."
Mae'r cwrs wedi eii wneud hyd yn oed yn fwy heriol eleni
Mae'r ras yn cael ei darlledu i filoedd o bobl ar draws y byd, ond am resymau diogelwch - ac oherwydd y gofod ar gyfer llefydd parcio - dim ond 2,000 o docynnau sy'n cael eu gwerthu ar gyfer y digwyddiad ei hun.
Dywed Berwyn Hughes, sy'n cadw tafarn y Llew Coch yn Ninas Mawddwy, bod busnes yn well o lawer ar benwythnos y ras
"Mae'n dod 芒 cryn dipyn o bobl fewn yn ychwanegol ar gyfer mis Medi, dim bwys be 'di'r tywydd," meddai.
"Mae dwywaith os nad deirgwaith fwy na be' fysan ni'n arfer neud ar nos Sadwrn o ran pryda' bwyd."
Mae Rachel Atherton newydd ddod yn bencampwr byd yn y gamp am y pumed tro
Mae brawd a chwaer Dan Atherton, Gee a Rachel, wedi cyrraedd brig y gamp.
Dywed Rachel, sydd hefyd yn byw yn Nyffryn Dyfi, bod yr ardal yn ddelfrydol ar gyfer y ras - sydd ar gyfer dynion yn unig - ac yn gymorth iddi hi ymarfer.
"Mae gyda chi fynyddoedd mawr, y goedwig, a hyd yn oed y glaw... mae'r cyfan yn cyfuno i greu tir da ar gyfer beicio mynydd," meddai.
"Ers i mi ddod i fyw yng Nghoedwig Dyfi 'dwi 'di ennill y bencampwriaeth byd tair gwaith ac rwy'n teimlo mai'r tir [yma] a'r bobl leol sydd i gyfri am hynny - mae gymaint o gefnogaeth ac angerdd at feicio mynydd."
Mae angen gwneud y gorau o'r berthynas gyda'r teulu Atherton, medd y Cynghorydd John Pugh Roberts, i adeiladu ar lwyddiant y ras
Dywedodd y cynghorydd sir lleol, John Pugh Roberts, bod angen adeiladu ar lwyddiant y ras a'r berthynas gyda'r teulu Atherton i geisio creu atyniadau a swyddi yn yr ardal.
'Swn i'n licio gweld hwn yn cynyddu," meddai.
"Ma' rhaid i ni ddefnyddio'r Athertons. Ma'r adnodd gyda nhw, felly ma' rhaid i ni ddefnyddio nhw r诺an i wella'r economi yn lleol.
"Mae'r mynyddoedd gyda ni, ma' gynnon ni ffyrdd i'r mynydd. Pam na fedran ni neud tracia' i lawr o'r mynydd... fel sydd mewn ski park."
Mae trafodaethau ynghylch denu digwyddiad awyr agored 'go fawr' arall i'r ardal yn y dyfodol
"Ma' rhaid i ni edrych tu allan i'r bocs efo amaeth ddyddia' ma'... edrych ar dwristiaeth neu unrhyw beth arall sy'n mynd i greu elw i bobl ifanc allu byw yn y gymunedol lleol yna."
"Mae yna fwy o bwyslais ar y math yma o ddigwyddiadau yn dod i mewn i Wynedd ar hyn o bryd," dywedodd rheolwr digwyddiadau Cyngor Gwynedd, Huw Edwin Jones.
"'Dan ni'n siarad am ddigwyddiad arall go fawr yn dod i mewn i Ddolgellau flwyddyn nesa' a gobeithio fydd y digwyddiad yma yn parhau i ddod i Ddinas Mawddwy."