Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Holl lefydd carafan Eisteddfod Llanrwst wedi'u gwerthu
Mae'r holl lefydd i aros mewn carafan ar faes carafanau Eisteddfod Llanrwst eleni wedi'u gwerthu o fewn dwy awr a hanner o fynd ar werth.
Roedd ceisiadau am le yn agor am 10:00 fore Gwener ac fe gyhoeddodd yr Eisteddfod ychydig cyn 12:30 eu bod wedi'u gwerthu i gyd.
850 o lecynnau carafan oedd ar gael eleni, a dywedodd yr Eisteddfod bod 200 o safleoedd pebyll ar gaeau cyfochrog, sydd yn dal ar gael.
Bydd Eisteddfod Genedlaethol 2019 yn cael ei chynnal rhwng 3 a 10 Awst i'r de o Lanrwst ger yr A470.
Yn 2017 fe wnaeth y maes carafanau ar gyfer Eisteddfod Môn lenwi ymhen mis - gyda'r trefnwyr yn dweud bryd hynny mai dyna'r cyflymaf i'r holl lefydd gael eu gwerthu.
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen Twitter a cyn derbyn. Er mwyn gweld y cynnwys dewiswch ‘derbyn a pharhau’.
Diwedd neges Twitter
Bydd y maes carafanau eleni wedi'i leoli ar gaeau Plas Tirion, rhyw 10 i 15 munud o gerdded o'r maes a thua dwy filltir i'r de o ganol Llanrwst.
Fe fydd bws gwennol am ddim hefyd yn rhedeg rhwng y maes a'r maes carafanau.
Mae safle carafan am wythnos yn costio £290, tra bod safle pabell yn £150.
Roedd yr Eisteddfod wedi dweud eisoes bod "disgwyl i'r maes carafanau a gwersylla fod yn boblogaidd iawn eleni felly archebwch eich lle yn fuan i osgoi cael eich siomi".
