´óÏó´«Ã½

Y DJ a'r cyflwynydd o Gaerdydd, Huw Stephens yw Llywydd y Dydd yn Eisteddfod yr Urdd Caerdydd a'r Fro ddydd Mawrth.

Dywedodd fod angen digwyddiadau fel yr Eisteddfod i bwysleisio bod y "Gymraeg yn perthyn i bawb".

Cychwynnodd ei yrfa fel cyflwynydd ar ´óÏó´«Ã½ Radio 1 - lle mae'n dal i gyflwyno - cyn mynd ymlaen i gyflwyno ar ´óÏó´«Ã½ Radio Cymru a Radio 6.

Gyda cherddoriaeth yn agos iawn at ei galon, diolchodd i'r Urdd am ei gyflwyno i fandiau ac artistiaid Cymraeg pan oedd yn ifanc.

Roedd Aelwyd yr Urdd yng Nghaerdydd yn gymaint o hwyl. Roedd e'n dod â phawb at ei gilydd, ac yn rhoi cyfleoedd i bawb wneud pethau arbennig.

Roedd mynd i Storey Arms yn brofiad, Ynys Enlli, ac wrth gwrs Glan-llyn a Llangrannog. Glan-llyn a Llangrannog yw'r peth gorau am fod yn yr ysgol yng Nghymru!

Fi'n cofio bod mewn disgo yng Nglan-llyn a chlywed Tracsiwt Gwyrdd am y tro cyntaf gan Geraint Jarman, a meddwl: "Waw - beth yw'r gân yma?"

Fe wnes i gystadlu, ond meimio yng nghefn y côr wnes i. Felly roedd e'n brofiad pleserus a hwylus dros ben!

Mae'r Urdd yn rhoi hyder i chi. Os ydych chi'n perfformio neu'n gwneud chwaraeon, mae hyder yn hollbwysig - y teimlad yna o sefyll lan a gorfod gwneud rhywbeth achos bod eraill yn dibynnu arnoch.

Rwy'n ddiolchgar am brofiadau gwerthfawr gyda'r Urdd a oedd o fudd i mi yn hwyrach ymlaen, fel sawl un arall.

DJ'o!

Mae'r caeau rownd cefn Castell Caerdydd yn neis iawn. Mae Techniquest lawr y bae yn ddiddorol ac yn agos iawn i le fydd maes Steddfod yr Urdd.

Mae'n dod â phlant Cymru at ei gilydd, yn dangos Cymru a'r Gymraeg iddyn nhw mewn ffordd arbennig. Byddai Cymru yn lle llawer tlotach heb yr Urdd.