大象传媒

Hannah Mills yn ennill Pencampwriaeth y Byd yn Japan

Eilidh McIntyre a Hannah Mills (dde).Junichi Hirai

Fe wnaeth Hannah Mills (dde) ac Eilidh McIntyre ennill pedwar o'r 12 ras yn Mhencampwriaeth 470 y Byd

Mae'r Gymraes Hannah Mills, ynghyd ag Eilidh McIntyre o Loegr, wedi ennill y fedal aur ym Mhencampwriaeth Hwylio'r Byd yn Japan.

Cafodd y gystadleuaeth ei chynnal yn Enoshima, lle fydd y regata Olympaidd yn cael ei chynnal yn 2020.

Fe wnaeth y ddwy orffen yn y seithfed safle yn y ras 470 - roedd hynny un lle yn uwch na Ai Kondo Yoshida a Miho Yoshioka o Japan ac yn ddigon i gipio'r brif wobr.

Y p芒r o Japan oedd yn fuddugol yn y gystadleuaeth y llynedd.

Hwn yw'r eildro i Mills gipio'r fedal aur ym Mhencampwriaeth y Byd.

Richard Langdon/Oceanimages

Mae Hannah Mills eisoes wedi ennill yr hawl i gystadlu yn Tokyo 2020

Mae Mills a McIntyre eisoes wedi ennill yr hawl i gystadlu yn Tokyo 2020.

Fe wnaeth y ddwy ennill y fedal arian ym Mhencampwriaeth y Byd yn 2017 ac efydd y llynedd.

Yng Ngemau Olympaidd Rio yn 2016 fe wnaeth Mills gipio aur gyda'u chyn-bartner Saskia Clark.

Mills fydd yr hwylwraig Olympaidd mwyaf llwyddiannus pe bai hi'n sicrhau aur yn Tokyo.

Straeon perthnasol