´óÏó´«Ã½

Cyn i welliant Letwin gael ei basio bu nifer o Aelodau Seneddol Cymru yn siarad yn ystod y drafodaeth yn NhÅ·'r Cyffredin fore Sadwrn a dyma oedd gan rai ohonynt i'w ddweud.

Dywedodd cyn-Ysgrifennydd Cymru Stephen Crabb bod y cytundeb yn "dda i'r wlad" ac mae wedi annog ASau i'w gefnogi.

Wrth siarad â'r ´óÏó´«Ã½ dywedodd ei fod wedi amau Mr Johnson yn yr haf ond ei fod bellach wedi newid ei feddwl.

Fe bleidleisiodd Mr Crabb, sy'n cynrychioli Preseli Penfro yn San Steffan, i aros yn yr Undeb Ewropeaidd yn 2016 ond mae'n dweud ei fod wedi cael ei brofi'n anghywir.

Dywedodd: "Roeddwn yn un o'r amheuwyr yn yr haf. Fe ysgrifennais i erthyglau yn cwestiynu strategaeth Brexit ond mae e [Boris Johnson] wedi profi bod llawer o'i amheuwyr yn anghywir.

"Mae e wedi llwyddo i ailagor y trafodaethau. Mae e wedi profi ei fod yn fodlon cyfaddawdu mewn ffordd nad oedd neb yn credu oedd o fewn ei allu.

"Mae wedi cyflwyno cytundeb sy'n fwy na goddefol. Dyma gytundeb sy'n dda i'r wlad.

"Dwi'n credu ei fod yn dda i Ogledd Iwerddon. Mae'n amddiffyn y broses heddwch ac yn rhoi Gogledd Iwerddon mewn lle da yn economaidd - dyma gytundeb sy'n werth ei basio."

Mae'r cyn-Weinidog Brexit ac AS Gorllewin Clwyd, David Jones, hefyd wedi dweud wrth y ´óÏó´«Ã½ ei fod yn cefnogi'r cytundeb.

Ond wrth siarad yn NhÅ·'r Cyffredin, galwodd Kevin Brennan, AS Gorllewin Caerdydd, ar i'r Prif Weinidog i gyflwyno'r cytundeb ger bron y bobl.

Fe atgoffodd Mr Brennan yr Ysgrifennydd Gwladol dros adael yr UE, Stephen Barclay, ei fod wedi pleidleisio yn erbyn cytundeb Theresa May ddwywaith cyn newid ei feddwl.

Dywedodd Mr Brennan: "Pam nad oes gan y llywodraeth felly y dewrder i ganiatáu yr un fraint i'r bobl fel eu bod nhw yn gallu mynegi barn ar y cytundeb?"

Wrth ymateb dywedodd Mr Barclay y dylai Mr Brennan gefnogi etholiad cyffredinol ac ychwanegodd ei bod yn "bwysig nad yw gwleidyddion yn dewis a dethol pa ganlyniadau pleidlais y maent yn glynu atynt a bod yn rhaid parchu y bleidlais fwyaf erioed yn hanes y wlad".

Yn NhÅ·'r Cyffredin fore Sadwrn dywedodd Liz Saville Roberts ei bod methu credu bod Mr Johnson "yn gofyn i ni dderbyn ei air ac ymddiried yng ngoblygiadau y cytundeb".

"Mae fy nghalon yn dweud wrthyf na fydd pobl Cymru fyth yn cael eu gwasanaethu gan y llywodraeth yma. Dyw Cymru ddim yn flaenoriaeth.

"Dim ond bore 'ma y cawsom y ddogfen gyfreithiol 535 tudalen - sut all Plaid Cymru gefnogi Brexit y biliwnydd?"

Wrth ymateb dywedodd y Prif Weinidog ei fod yn credu bod Ms Roberts wedi gwneud penderfyniad ar y ddogfen 535 tudalen cyn ei darllen, gan ei hatgoffa bod Cymru wedi pleidleisio o blaid gadael a gofynnodd iddi barchu hynny.

Dywedodd Geraint Davies, AS Gorllewin Abertawe, fod y wlad yn wynebu "cytundeb angheuol".

Wrth siarad yn NhÅ·'r Cyffredin dywedodd: "Does gennym ddim sicrwydd na fydd y Prif Weinidog yn osgoi gadael heb gytundeb yn y cyfnod trosglwyddo er ei fod yn ymwybodol bod unrhyw gytundeb yn cymryd dros flwyddyn i'w lunio.

"Mae gennym flwyddyn ac fe fyddwn yn gadael heb gytundeb - ein dyletswydd yw pleidleisio yn erbyn y cytundeb."

Brynhawn Sadwrn fe anfonodd Ann Clwyd, AS Cwm Cynon, neges ar ei chyfrif Twitter yn dweud bod y cytundeb sy'n cael ei gynnig yn warth.

Nododd: "Onid yw'r Prif Weinidog wedi anghofio faint o amser gymerodd hi i ddod â heddwch i Ogledd Iwerddon? Mae difetha hynny yn drosedd."

Wedi'r bleidlais dywedodd yr aelod seneddol dros Frycheiniog a Sir Faesyfed, Jane Dodds AS: "Cofiwch mai'r peth 'da ni 'di bod yn deud am dair blynedd ydy hyn, mae'n rhaid i ni gael Brexit heb gytundeb i ffwrdd o'r bwrdd, ac roedden ni'n poeni dipyn bach bod hynny ddim am ddigwydd, achos mae'n effeithio ar bawb, felly 'da ni'n falch bod o wedi mynd."

"Da ni wedi bod yn gweithio gyda'r pleidiau eraill, yn llwyddiannus iawn, ac fe fyddwn ni'n cario ymlaen i wneud hynny," meddai Ms Dodds, "ond be 'da ni am wneud ydy cael rhyw fath o 'amendment' i Araith y Frenhines i ddweud bod yn rhaid i'r bleidlais fynd yn ôl i'r bobl, ac yna cael rhyw fath o fargen i aros yn yr Undeb Ewropeaidd ar y papur."