Dyn o Ynys M么n yn euog o lofruddiaeth bwa croes

Ffynhonnell y llun, Llun teulu

Disgrifiad o'r llun, Bu farw Gerald Corrigan o'i anafiadau mewn ysbyty yn Stoke ym mis Mai 2019

Mae dyn wedi ei ganfod yn euog o lofruddio pensiynwr trwy ei saethu gyda bwa croes tu allan i'w gartref ar gyrion Caergybi.

Fe wnaeth Gerald Corrigan, oedd yn 74 oed, farw yn yr ysbyty wythnosau ar 么l cael ei saethu ym mis Mai'r llynedd.

Roedd Terence Whall, sydd yn therapydd chwaraeon a hyfforddwr personol o Fryngwran, wedi gwadu'r cyhuddiadau'n ei erbyn.

Dywedodd ei fod yn cael rhyw gyda dyn arall mewn caeau cyfagos ar y noson.

Cafodd Mr Corrigan, a oedd yn gyn-ddarlithydd, ei saethu yn oriau m芒n y bore ar 19 Ebrill wrth drwsio lloeren deledu ar wal ei d欧.

Mae Whall hefyd wedi ei ganfod yn euog o gynllwynio i wyrdroi cwrs cyfiawnder a chynllwynio i gynnau t芒n yn fwriadol - cyhuddiad yn ymwneud 芒 llosgi car Land Rover Discovery.

Cafodd dyn arall, Gavin Jones, sy'n 36 oed ac o Fangor hefyd ei ganfod yn euog o gynllwynio i wyrdroi cwrs cyfiawnder a chynllwynio i gynnau t芒n yn fwriadol.

Fe blediodd dau ddyn arall - Martin Roberts a Darren Jones - yn euog i gynnau t芒n yn fwriadol yn gynharach yn yr achos.

Gall Whall ddisgwyl dedfryd o garchar am oes. Bydd y gwrandawiad dedfrydu ddydd Gwener.

Dywedodd Karen Dixon o Wasanaeth Erlyn y Goron ar ddiwedd yr achos: "Fe gynlluniodd Whall yr hyn oedd am wneud ac fe laddodd mewn gwaed oer.

"Mae bw芒u croes yn arfau distaw, marwol sy'n gallu achosi anafiadau echrydus, ac yn yr achos hwn roedden nhw'n angheuol.

"Mae ein meddyliau gyda theulu a ffrindiau'r dioddefwr heddiw, fel drwy gydol y broses gyfreithiol. Rydym yn diolch iddyn nhw am eu cryfder a'u cefnogaeth."