大象传媒

Gwasanaethau mamolaeth Cwm Taf yn gwella

Ysbyty'r Tywysog SiarlCwm Taf HA

Mae'r gwelliannau sydd wedi cael eu gwneud yn Ysbyty'r Tywysog Siarl ym Merthyr Tudful yn cynnwys ehangu uned gofal arbennig i fabanod

Gan Owain Clarke
Gohebydd Iechyd 大象传媒 Cymru

Mae gwasanaethau mamolaeth yn ardal bwrdd Iechyd Cwm Taf Morgannwg "wedi gweld mwy o gynnydd" ac erbyn hyn yn "bendant ar y trywydd iawn."

Dyna asesiad y panel o arbenigwyr sy'n gyfrifol am oruchwylio'r gwelliannau i wasanaethau i famau a phlant yn yr ardal - flwyddyn union ers iddi ddod i'r amlwg drwy adolygiad annibynnol bod menywod wedi cael 'profiadau erchyll a gofal gwael' oherwydd cyfres o ffaeleddau difrifol yn y gwasanaeth.

Ofni colli momentwm

Mae'r bwrdd iechyd bellach wedi cyflawni dros hanner y gwelliannau sydd eu hangen - yn cynnwys y newidiadau pwysicaf.

Ac oherwydd y cynnydd fe fydd y panel annibynnol yn cyhoeddi ei asesiad nesaf o'r sefyllfa mewn chwe mis - yn hytrach na bob tri mis fel sydd wedi digwydd hyd yma.

Ond mae'r panel yn mynegi pryder am y risg o golli momentwm oherwydd heriau Covid-19.

Prif bryder y panel yw bod "ansicrwydd mawr" ac "a fydd y bwrdd iechyd yn gallu cynnal y ffocws a'r ymrwymiad hirdymor sydd ei angen nawr er mwyn adeiladu ar y sylfeini cadarn a gr毛wyd."

Fe gafodd y panel ei sefydlu ar 么l i Lywodraeth Cymru osod gwasanaethau mamolaeth y bwrdd iechyd dan fesurau arbennig - yn dilyn adroddiad annibynnol damniol wnaeth amlygu cyfres o ffaeleddau.

Clywodd yr adolygiad fod pryder mawr am Ysbyty'r Tywysog Charles ym Merthyr Tudful ac yn Ysbyty Brenhinol Morgannwg ger Llantrisant - lle cafodd menywod "brofiadau erchyll a gofal gwael."

Ond casgliad y panel arbenigol erbyn hyn yw fod y bwrdd iechyd ar y trywydd cywir i gyflawni'r holl welliannau er mwyn "ymhen amser, i ddarparu gwasanaeth mamolaeth y gallan nhw, eu staff a'u cymunedau fod yn falch ohono."

Pa waith mae'r panel yn ei wneud ar hyn o bryd?

  • Mae arbenigwyr o tu allan i Gymru wedi ffurfio chwe th卯m i adolygu 140 o achosion unigol lle roedd problemau ynghlwm 芒 gofal mamau a babanod rhwng 2016-2018. Bydd pob teulu yn derbyn adroddiad unigol.

  • Mae'r gwaith adolygu wedi'i rannu'n dair rhan: yn edrych ar famau oedd wedi gorfod mynd i uned gofal dwys ar 么l geni, babanod gafodd eu geni'n farw a gofal i fabanod newydd-anedig.

  • Yn y pendraw mae'n bosib y bydd yr arbenigwyr yn edrych ar achosion yn ymestyn yn 么l hyd at 2010.

  • Mae'r bwrdd iechyd wedi cyflawni 16 o argymhellion ychwanegol ers mis Ionawr - cyfanswm o 41 allan o 79 yn y cynllun gweithredu.

  • Mae na gynnydd pendant wrth ddelio 芒 phryderon eraill - yn cynnwys sicrhau hyfforddiant digonol i staff a chreu "gweledigaeth" ar gyfer gwasanaethau mamolaeth ar gyfer y dyfodol.

  • Oherwyd Covid-19 bydd y panel yn monitro'r sefyllfa ar lefel hyd braich tra'n parhau i rannu gwybodaeth gyda theuluoedd sydd wedi cael eu heffeithio.

Dywedodd Cadeirydd y Panel Annibynnol, Mick Giannasi, fod "newid byd" wedi bod yn y berthynas rhwng mamau a gwasanaethau mamolaeth yn yr ardal a bod newid "uwch-reolwyr" y bwrdd iechyd wedi arwain at newid diwylliant sylweddol yn y sefydliad - gyda staff bellach yn adennill eu hyder.

Getty Images

Mae'r adolygiad wedi bod yn edrych ar wasanaethau mamolaeth mewn ysbytai yn y Cymoedd

Mewn datganiad dywedodd bwrdd iechyd Cwm Taf Morgannwg :

"Rydym yn croesawu'r adroddiad diweddaraf gan y Panel sy'n cydnabod fod cynnydd yn parhau i gael ei wneud o ran gwella ein gwasanaethau mamolaeth"

"Mae ein timau wedi bod yn gweithio'n galed iawn i roi newidiadau sylweddol ac angenrheidiol ar waith fel y gallwn ddarparu gwasanaethau o ansawdd uchel i'n menywod a'n teuluoedd.

"Rydym yn ddiolchgar i bawb sy'n ein helpu i wneud hyn."

Straeon perthnasol