´óÏó´«Ã½

Cyfrannodd dramâu fel His Dark Materials ac Un Bore Mercher at y gwariant uchaf erioed ar gynyrchiadau rhwydwaith gan y ´óÏó´«Ã½ yng Nghymru y llynedd.

Cafodd £75m ei fuddsoddi mewn cynyrchiadau yma yn 2019/20, yn ôl adroddiad blynyddol a chyfrifon y gorfforaeth.

Roedd hyn yn cyfrif am 8.2% o wariant y rhwydwaith - i fyny o 6.3% o'r flwyddyn flaenorol.

Yn ogystal â'r £75m ar gynyrchiadau rhwydwaith, gwariodd y ´óÏó´«Ã½ gyfanswm o £207m ar wasanaethau yng Nghymru gan gynnwys ei llwyfannau teledu, radio ac ar-lein.

Mae'r adroddiad blynyddol yn amcangyfrif y bydd incwm y ´óÏó´«Ã½ o'r ffi drwydded o Gymru yn gostwng i £175m yn 2020, o'i gymharu â £184m yn 2019.

Mae His Dark Materials yn addasiad o gyfres lyfrau Philip Pullman ac mae adroddiadau mai dyma'r ddrama ´óÏó´«Ã½ gyda'r gyllideb fesul pennod fwyaf erioed.

Cafodd ei chynhyrchu gan gwmni Bad Wolf yn eu stiwdios yng Nghaerdydd, ac mae disgwyl i ail gyfres gael ei darlledu ym mis Tachwedd.

Ymhlith y cynyrchiadau rhwydwaith eraill a wnaed yng Nghymru roedd y ddrama The Left Behind - a enillodd BAFTA - a'r ddrama drosedd Craith/Hidden.

Mae cyfres drosedd newydd, The Pact, yn dechrau cynhyrchu'r wythnos hon.

Mae'r cyfrifon hefyd yn datgelu bod dau gyflwynydd o Gymru ymhlith y bobl sy'n ennill y cyflogau uchaf yn y ´óÏó´«Ã½.

Mae Huw Edwards yn derbyn cyflog blynyddol rhwng £465,000 a £469,999 am oddeutu 180 diwrnod o gyflwyno newyddion teledu a rhaglenni etholiadol ar gyfer y ´óÏó´«Ã½.

Mae Jason Mohammad yn cael ei dalu rhwng £285,000 a £289,999 y flwyddyn am gyflwyno sioe ar ´óÏó´«Ã½ Radio Wales yn ogystal ag ymrwymiadau teledu eraill ´óÏó´«Ã½ Cymru, ochr yn ochr â rhaglenni chwaraeon ledled y DU a Good Morning Sunday ar Radio 2.

Mae'r ddau wedi ymddangos ar restrau blaenorol o sêr y ´óÏó´«Ã½ ar y cyflog uchaf. Nid yw taliadau o gangen fasnachol y ´óÏó´«Ã½, ´óÏó´«Ã½ Studios, yn cael eu cynnwys ar y rhestr.

Yn y cyfamser mae'r adroddiad blynyddol yn nodi bod gan gyfarwyddwr ´óÏó´«Ã½ Cymru Wales, Rhodri Talfan Davies, gyflog blynyddol rhwng £190,000 a £194,999.

Mewn ymateb i'r adroddiad blynyddol, dywedodd Mr Talfan Davies: "Llynedd, gwelwyd Cymru ar deledu rhwydwaith yn fwy nag erioed.

"Mae'r sylfaen o dalent greadigol sydd yma wedi creu rhai cynyrchiadau anhygoel sydd wedi rhoi pleser i gynulleidfaoedd yma yng Nghymru ac ar draws y byd.

"Ry'n ni'n adeiladu ar hynny, ac rwy'n falch dros ben bod gennym ddrama newydd wrthi'n cael ei chynhyrchu a fydd yn denu ein cynulleidfaoedd unwaith eto."