´óÏó´«Ã½

Mae cyn-hyfforddwr rygbi Cymru, Rob Howley wedi cael ei benodi'n hyfforddwr cynorthwyol i dîm cenedlaethol Canada.

Mae'n dychwelyd i'r gamp ar ôl gwaharddiad am dorri rheolau betio cyn Cwpan Rygbi'r Byd y llynedd.

Bydd cyn-fewnwr Cymru a'r Llewod yn ymuno gyda chyn-gapten Cymru, Kingsley Jones, ar y tîm hyfforddi ar gytundeb tair blynedd.

Cafodd Howley, 49 oed, ei wahardd o rygbi am 18 mis o fis Medi 2019 - gyda naw mis wedi'u gohirio - am fetio ar gemau, gan gynnwys gemau Cymru.

Cafodd ei dynnu o dîm hyfforddi Cymru o fewn dyddiau i ddechrau Cwpan y Byd pan gafodd y mater ei ddatgelu.

Bydd Howley hefyd yn gweithio fel ymgynghorydd i dîm y Toronto Arrows wrth gynorthwyo Jones i baratoi Canada ar gyfer Cwpan Rygbi'r Byd 2023.