´óÏó´«Ã½

Roedd economi Cymru yn gwanhau hyd yn oed cyn i'r pandemig daro, yn ôl ffigyrau newydd.

Yn nhri mis cyntaf 2020 fe wnaeth cynnyrch domestig gros (GDP) Cymru ostwng 2.4%, yn ôl y Swyddfa Ystadegau Gwladol.

Roedd yr economi eisoes wedi crebachu 1.1% rhwng Hydref a Rhagfyr 2019.

GDP - gwerth yr holl gynnyrch a'r holl wasanaethau sy'n cael eu cyflawni yng Nghymru - sy'n cael ei ddefnyddio i fesur cryfder yr economi.

Mae'r Swyddfa Ystadegau Gwladol yn dweud mai'r diwydiant addysg wnaeth ddioddef fwyaf rhwng Ionawr a Mawrth, gyda'r diwydiant trafnidiaeth a'r celfyddydau wedi ei chael yn anodd hefyd.

Ar draws y DU fe wnaeth GDP ostwng 2.5% yn y tri mis hyd at fis Mawrth - 0.1% yn fwy na'r gostyngiad yng Nghymru.