Pasbort Covid: 'Rhaid atal troi'n gardiau adnabod'
- Cyhoeddwyd
Jane Dodds: "Mae posibilrwydd i hyn droi'n sefyllfa cardiau adnabod"
Ni ddylai cynlluniau ar gyfer pasbort Covid gael troi yn gardiau adnabod yn dawel bach, meddai arweinydd y Democratiaid Rhyddfrydol Cymreig.
Dywedodd Jane Dodds y gallai'r syniad o basbort Covid arwain at wrthod mynediad i bobl i leoliadau a digwyddiadau yn eu cymunedau.
Mae pedair llywodraeth y DU yn edrych ar y syniad o gyflwyno dogfennau i bobl sydd wedi cael dau ddos o frechlyn Covid-19, er mwyn cael mynediad i rai lleoliadau.
Er bod y syniad yn ddadleuol, mae wedi derbyn cefnogaeth gan rai cwmn茂au adloniant.
Yn siarad gyda'r 大象传媒, dywedodd Ms Dodds: "Mae'n rhaid bod rhywle i bobl gymryd rhan yn eu cymuned, i fynd i'r dafarn neu i leoliadau heb ddangos dogfen adnabod.
"Mae posibilrwydd i hyn droi'n sefyllfa cardiau adnabod a dydyn ni ddim eisiau hynny."
Dywedodd bod angen bod yn "synhwyrol" gan y gallai arwain at fusnesau'n gwrthod pobl o rai oedrannau.
"Gallwn ni fod mewn sefyllfa ble mae pobl gyda chyflyrau meddygol penodol ddim yn cael mynd i leoliad; geith eich partner fynd ond nid chi, ac mae angen rhannu gwybodaeth.
"Mae hynny'n mynd i roi llawer o bobl mewn sefyllfa anghyfforddus iawn."
笔翱尝滨厂脧础鲍: Cymharwch addewidion y pleidiau
DWY GROES MEWN DAU FLWCH: Pam bod gennych chi ddwy bleidlais?
PWY SY'N SEFYLL YN FY ARDAL I?: Rhowch eich cod post yn y blwch
WEDI DRYSU?: Dysgwch fwy gyda 大象传媒 Bitesize
PODLEDIAD: Croes yn y bocs
BLOG VAUGHAN RODERICK: Cic o'r smotyn
Mae'r Democratiaid Rhyddfrydol yn amddiffyn yr un sedd y gwnaethon nhw ei hennill yn 2016 - Brycheiniog a Sir Faesyfed.
Ni fydd Kirsty Williams, cyn-aelod yr etholaeth sydd wedi bod yn weinidog addysg ers pum mlynedd, yn sefyll eleni.
Mae Ms Dodds yn ymgeisydd rhanbarthol ar gyfer Canolbarth a Gorllewin Cymru.
Dywedodd na fyddai'n camu i'r neilltu petai ei phlaid yn methu ag ennill sedd.
"Byddaf yn parhau fel arweinydd, yn sicr", meddai.
"Nid fy swydd i sy'n fy mhoeni, mae swyddi'r bobl sydd wedi dioddef yn y pandemig yn bwysicach."
Ychwanegodd bod y blaid wedi bodoli ers 150 o flynyddoedd, ac nad yw'n "mynd i unman".
Mae'r Democratiaid Rhyddfrydol yn addo gwario mwy ar iechyd meddwl, rhoi hwb o 拢500m i'r Stryd Fawr a gwario 拢1bn ar newid hinsawdd.
Wrth drafod yr Undeb Ewropeaidd - gan fod y blaid wedi ymgyrchu i wrthdroi canlyniad y refferendwm yn ystod etholiad cyffredinol 2019 - dywedodd Ms Dodds bod yr amser yna wedi pasio, ac nad nawr oedd yr amser iawn i drafod yr ail-ymuno gyda'r UE.