´óÏó´«Ã½

Mae Llenyddiaeth Cymru wedi datgelu enwau'r cyfrolau sydd wedi cyrraedd Rhestr Fer Gymraeg Gwobr Llyfr y Flwyddyn 2022.

Cafodd pedwar categori yn y Gymraeg a'r Saesneg - Barddoniaeth, Ffuglen, Ffeithiol Greadigol a Plant a Phobl Ifanc - eu cyhoeddi ar raglen Stiwdio ar ´óÏó´«Ã½ Radio Cymru nos Lun.

Ar y panel beirniadu Cymraeg eleni mae'r darlledwr Mirain Iwerydd, cyflwynydd Sioe Frecwast dydd Sul ´óÏó´«Ã½ Radio Cymru 2; y cyflwynydd a cholofnydd Melanie Owen; yr academydd, golygydd ac awdur y cyfnodolyn academaidd, Llên Cymru, Siwan Rosser; a'r cyfarwyddwr, bardd ac awdur Gwion Hallam.

Dywedodd Melanie Owen ei bod hi'n "fraint enfawr i gael bod yn aelod o'r panel" a bod y trafodaethau wedi bod yn "fywiog ac angerddol".

Yn ôl Leusa Llewelyn, Cyd-Brif Weithredwr Dros Dro Llenyddiaeth Cymru, mae'r wobr yn "gyfle i ni ddangos gwerthfawrogiad i'n awduron talentog - i ddiolch iddynt am ein diddanu, ac am greu dihangfa i ni rhwng cloriau eu llyfrau".

"Mae hyn yn fwy gwir nac erioed yn dilyn dwy flynedd heriol, ac am hynny mae ein diolch yn fwy nag erioed," meddai.

Gwobr Farddoniaeth

Gwobr Ffeithiol Greadigol

Gwobr Ffuglen Cymraeg@PrifysgolBangor

Gwobr Plant a Phobl Ifanc

Bydd Rhestr Fer y gwobrau Saesneg yn cael ei gyhoeddi ar The Arts Show ar ´óÏó´«Ã½ Radio Wales nos Wener 1 Gorffennaf.

Bydd enillwyr y gwobrau Cymraeg yn cael eu cyhoeddi mewn cyfres o ddarllediadau ar ´óÏó´«Ã½ Radio Cymru rhwng 19-21 Gorffennaf.