´óÏó´«Ã½

Bydd y Brenin Charles yn cael ei goroni'n swyddogol ym mis Mai 2023.

Dywedodd Palas Buckingham y bydd y seremoni'n cael ei gynnal yn Abaty Westminster ar 6 Mai.

Archesgob Caergaint fydd yn arwain y seremoni a bydd y Frenhines Gydweddog, Camilla, yn cael ei choroni hefyd.

"Adlewyrchu rôl y Brenin heddiw ac edrych i'r dyfodol" fydd nod y seremoni, yn ôl y Palas.

Ond dywedon nhw y bydd "wedi ei wreiddio mewn traddodiadau a phasiant".

Mae'r seremoni yn ddathliad ac yn wasanaeth grefyddol sydd wedi ei gynnal ers canrifoedd.

Dywedodd y Palas y bydd y seremoni yn "cynnwys yr un elfennau creiddiol" tra'n "cydnabod ysbryd ein hoes".

Mae disgwyl i'r Brenin arwyddo proclomasiwn sy'n cyhoeddi dyddiad y Coroni yn swyddogol mewn cyfarfod gyda'r Cyfrin Gyngor yn ddiweddarach eleni.