´óÏó´«Ã½

"Mae bywyd mor gymhleth ond ar ddiwedd y dydd - gallwn ni symleiddio fe i wneud be sy'n 'neud ni'n hapus"

Dyna gyngor y cyflwynydd Gethin Jones wrth edrych yn ôl ar 2022 ac ar ddechrau 2023.

Bu 2022 yn flwyddyn ddiddorol i Gethin wrth iddo gamu nôl i fyd addysg a derbyn gradd meistr mewn rheolaeth chwaraeon tra'n parhau i gyflwyno'r rhaglen ddyddiol, Morning Live, ar ´óÏó´«Ã½1.

Gethin fu'n adlewyrchu ar ei flwyddyn a'r hyn sy'n Gwneud Bywyd yn Haws iddo ar ´óÏó´«Ã½ Radio Cymru.

Lansiwyd y rhaglen gylchgrawn, Morning Live, ar ´óÏó´«Ã½1 nôl yn Hydref 2020. Yn un o gyflwynwyr cyntaf y rhaglen sy'n darlledu yn fyw o Fanceinion ar foreau Llun-Gwener, mae Gethin mewn gwaith cyson ar hyn o bryd.

Ond, dyw'r ansicrwydd sy'n ei wynebu fel cyflwynydd teledu ddim wastad yn hawdd.

Meddai: "O'n i yn mynd i cwitio teledu, a'r rheswm oedd Strictly: It Takes Two.

"O'n i yn neud It Takes Two ar y pryd a wedyn am ba bynnag reswm - nathon nhw ddod â Rylan Clark i mewn sydd ddigon teg, ond nes i feddwl, dwi 'di bod yn neud y job yma am bedair blynedd.

"Mae'r cyfryngau yn anodd - o'n i wedi bod mor lwcus ond o'n i'n meddwl os maen nhw yn neud penderfyniadau fel'na - be fi mynd i neud wedyn.

"Es i i Bali i ffindio fy hun - dwi erioed wedi ffindio fy hun yn Bali - maen nhw yn gweud bo chi yn ffindio eich hun yna a chi ddim."

Ar ôl dychwelyd adref o Bali a chyn i Covid daro'r wlad, penderfynodd Gethin pa faes fyddai'n ei weddu petai'r gwaith cyflwyno'n sychu ac yn ei orfodi i newid gyrfa.

"Ddes i nôl o Bali a meddwl fi isie gweithio ym myd chwaraeon, dwi isie gweithio gyda phlant sy o dan anfantais a wedyn es i nôl i hen brifysgol fi.

"Nath Covid ddigwydd. Oedd hynna yn grêt o ran astudio - doedd dim arall i'w neud heblaw am ddarllen, darllen, darllen, felly nes i rili fwynhau e."

Symbyliad arall dros fentro nôl i'w hen brifysgol, Prifysgol Metropolitan Manceinion, oedd i lenwi'r gofod oedd ar y wal yn nhŷ ei rieni.

Eglura gan chwerthin: "Yn tÅ· mam a dad, uwchben y piano, mi oedd yna wastad le i Mererid (fy chwaer) ar gyfer ei llun graddio hi.

"Doedd dim lle i fi - sa' i'n credu iddyn nhw ddisgwl i fi orffen prifysgol yn y lle cyntaf. A nawr mae gen i ddwy radd - nes i gael llun massive o fi yn graddio gyda'r Masters a'i roi iddyn nhw fel anrheg Dolig!"

Mae dros ugain mlynedd wedi mynd heibio ers i Gethin fod yn un o gyflwynwyr Uned 5 ar nosweithiau Gwener ar S4C, ac ers iddo gyflwyno Blue Peter am y tro cyntaf.

Ac yntau bellach yn cyflwyno rhaglen foreol a gyda chytundeb fydd yn para dros ddwy flynedd arall, mae ychydig o strwythur yn ei angori.

"Y peth yw, mae dros ugain mlynedd ers i fi neud Blue Peter nôl mewn byd gwahanol, 'sdim strwythur wedi bod 'da fi fel freelance so mae hwn wedi bod yn od dros y ddwy flynedd dwetha i gael job lle dwi'n gwbod lle ydw i o ddydd Llun i ddydd Gwener.

"Mae e wedi gwella bywyd yn y ffordd sa i'n cofio peidio mynd i briodas neu gadel ffrind lawr achos o'n i wastad yn meddwl, falle bod rhaid i fi weithio dros y penwythnos os yw gwaith yn dod i mewn.

"A nawr fi yn y sefyllfa lle sdim rhaid i fi neud hwnna a mae hynna yn beth neis. Dyna pam y' fi yn neud gymaint o ymarfer corff - strwythur yw hwnna i godi a cael rheswm i ddechrau'r diwrnod efo rhywbeth positif pam falle doedd gwaith ddim yn mynd mor dda a beth o'n i moyn."

Ar ôl dod i arfer â symud i wahanol lefydd yn dibynnu ar lle oedd y gwaith, mae bod yn sefydlog ym Manceinion am ychydig bach yn fodd o daclo unigrwydd.

Meddai: "Fi wedi bod yn symud rownd gyda gwaith dros y blynyddoedd - Manceinion, Caerdydd, Llundain a Los Angeles am dair blynedd.

"Mae'n swnio yn grêt a glamorous ond mae'n gallu bod yn eitha' unig. So fi wedi symud i Manceinion, fi'n mynd i'r gwaith bob dydd a mae hwnna yn rili helpu. Felly tu allan i hynny fi'n ymarfer corff a gweld ffrindie. Wedyn y penwsos - cynllunio a trio neud pethe i fwynhau bywyd."

Ar ddechrau'r flwyddyn newydd, targedau i'w cyrraedd yn hytrach nac addunedau sy'n hawdd eu torri mae Gethin yn ei osod iddo'i hun.

Eglura: "Mae'r flwyddyn newydd i fi yn adeg i feddwl ac edrych ymlaen.

"Dwi bendant yn gneud goals ar gyfer y flwyddyn sydd i ddod. Dwi'n mynd i ddechre neud lot gyda be nes i astudio felly treulio mwy o amser yn neud hynny.

"Be sy'n bwysig yw meddwl, reit be sy'n mynd i neud fi yn hapus. A mae wastad yn dod nôl i hwnna yn dyw e.

"Fi'n hoffi chware five a side ffŵti ar nos Lun gyda'r bois, mae'n oer, mae'n rubbish, a fi'n gorfod seiclo i fynd 'na ond fi'n neud yn siŵr bo' fi'n neud hynna dros unrhyw fath o waith sy'n dod i mewn, achos mae'n bwysig bo' ti neud y pethe yna ti'n mwynhau.

"Cyn gynted â ti'n hapus yn dy hun, mae pethau'n dechre digwydd eto."

Hefyd o ddiddordeb: