Oriel luniau: Ras Cefn y Ddraig 2023
- Cyhoeddwyd
Dros yr wythnos ddiwethaf (4-9 Medi) mae rhedwyr o bob cwr wedi dod i Gymru i gymryd rhan mewn ras sy'n cael ei ddisgrifio fel 'ras fynydd anoddaf y byd', Ras Cefn y Ddraig.
Gan redeg 380km ar hyd mynyddoedd a thirwedd heriol mae'r rhai sy'n mentro yn cael mwynhau rhai o olygfeydd mwya' godidog Cymru. Gyda'r haul yn tywynnu arnynt yn ystod y ras eleni, roedd yn anodd i nifer gwblhau gyda ychydig dros draean o'r 298 a gychwynnodd y ras dal i gystadlu erbyn diwedd y trydydd diwrnod. Dim ond 87 o'r rhedwyr oedd dal yn y ras erbyn y diwrnod olaf.
Dilynwch y daith heb fentro o'ch cadair esmwyth gyda chipolwg Cymru Fyw ar yr wythnos.
Cychwyn y ras yn y tywyllwch yng Nghastell Conwy
Haul yn disgleirio dros y cystadleuwyr ar ail ddiwrnod y ras
Ousmane Diop ar Fynydd Cnicht
Y Cymro Owen Rees yn taclo'r tirwedd anwastad. Daeth Owen yn bumed yn y ras
Silvia Ainhoa Trigueros a rhai o'r rhedwyr eraill yn dal ati
Cerrig anwastad ar y ffordd i lawr yn gwneud y siwrne yn un heriol
Un o'r rhedwyr, Bill Johnson, yn mwynhau cwlio i lawr ar ddiwrnod crasboeth
Defaid yn gwmni ar y daith
Cymryd pob cyfle i oeri ychydig
'Yma o Hyd': Ychydig dros draean o'r nifer gychwynnodd y ras oedd dal i gystadlu erbyn diwedd y trydydd diwrnod
Saib i oeri ychydig yng nghanol wythnos o dywydd poeth i'r rhedwyr
Ar y blaen: Hugh Chatfield ar ei ffordd i lawr
Buddugoliaeth i fenyw cyflyma'r ras, Robyn Cassidy o Swydd Gaerl欧r, sy'n dathlu gyda theulu a ffrindiau. Daeth Robyn yn drydydd yn y ras
Enillydd y ras, Hugh Chatfield o Sir Hertford, yn cyrraedd y llinell derfyn yng Nghastell Caerdydd mewn 47 awr, 38 munud a 44 eiliad