´óÏó´«Ã½

´óÏó´«Ã½ Cymru Fyw

Mae disgwyl i fwyafrif ASau Cymru bleidleisio yn erbyn y cytundeb Brexit heno, gan gynnwys:

• 27 o ASau Llafur (mae Paul Flynn wedi bod yn absennol o DÅ·'r Cyffredin oherwydd salwch);
• Y pedwar Aelod Seneddol o Blaid Cymru;
• Dau o ASau Ceidwadol Cymru - David Jones a Guto Bebb.

Mae disgwyl i chwech AS Ceidwadol gefnogi Mrs May - Alun Cairns, Stephen Crabb, Chris Davies, David Davies, Glyn Davies a Simon Hart.

´óÏó´«Ã½ Cymru Fyw

Yn ei haraith ar drothwy'r bleidlais, mae Theresa May wedi dweud y byddai dau ddewis arall os oedd ASau yn gwrthod ei chytundeb Brexit.

Y cyntaf, meddai, fyddai canslo Brexit neu gynnal refferendwm arall - rhywbeth mae hi'n dweud fyddai'n mynd yn groes i "farn ddemocrataidd y bobl".

Byddai gadael yr UE heb gytundeb, ar y llaw arall, yn achosi trafferthion economaidd sylweddol.

"Dwi ddim yn meddwl mai dyna beth wnaeth pobl Prydain bleidleisio drosto," meddai.

Mae hi hefyd yn wfftio'r posibiliad o gynnal etholiad cyffredinol, neu ddychwelyd i Frwsel am gytundeb newydd.

"Mae hynny'n gadael un posibiliad - pleidleisio dros y cytundeb yma."

Yn gynharach fe gadarnhaodd Jeremy Corbyn y byddai Llafur yn pleidleisio yn erbyn y cytundeb, gan ddweud ei fod yn "fargen wael i'r wlad".

´óÏó´«Ã½ Cymru Fyw

Cyn i ni edrych mewn manylder ar ddigwyddiadau heno, dyma grynodeb o Brexit hyd yn hyn.

• Mae'n ddwy flynedd a hanner ers i 51.9% o bobl Prydain bleidleisio dros adael yr Undeb Ewropeaidd, ac i Theresa May ddod yn brif weinidog.
• Fe daniodd hi Erthygl 50 i ddechrau'r broses o adael, galwodd etholiad cyffredinol lle gollodd ei mwyafrif yn San Steffan, ac yna dechreuodd y broses ffurfiol o negodi gyda'r UE.
• Rhai o'r pynciau mwyaf dyrys i'r llywodraeth oedd y taliad y bydd y DU yn ei wneud i'r UE wrth adael, hawliau dinasyddion ar ôl Brexit, a'r ffin yn Iwerddon.

• Cafodd y bleidlais wreiddiol ar y cytundeb ei gohirio ym mis Rhagfyr, wrth iddi ddod i'r amlwg nad oedd gan Mrs May gefnogaeth.
• Bydd yn rhoi cynnig arall arni heno, ond y gred yw na fydd hi'n cael cefnogaeth y mwyafrif o Aelodau Seneddol.

Os ydy Brexit yn eich drysu'n llwyr, neu mae gyda chi gwestiynau am beth fydd yn digwydd heno, darllenwch ein canllaw.

´óÏó´«Ã½ Cymru Fyw

Efallai eich bod yn gofyn, beth yn union sy'n digwydd yn San Steffan heno?

Bydd Aelodau Seneddol yn pleidleisio ar y cytundeb Brexit, sydd wedi ei gytuno gan Theresa May a'i thrafodwyr, a'r Undeb Ewropeaidd.

Cafodd y bleidlais ei gohirio ym mis Rhagfyr, wrth i Mrs May geisio sicrhau mwy o gefnogaeth gan ASau.

Os oes gyda chi 'chydig o amser sbâr heno, mae'r

Os ydy mwyafrif o ASau yn cymeradwyo'r cytundeb, bydd yn gam enfawr tuag at adael yr UE ar 29 Mawrth 2019.

Ond os nad ydy 320 aelod yn ei gefnogi, fel y disgwyl, yna mae'r camau nesaf yn llawer llai sicr.

Ffynhonnell y llun, Getty Images

´óÏó´«Ã½ Cymru Fyw

Noswaith dda a chroeso i'n llif byw arbennig wrth i ni ddilyn pleidlais gan Aelodau Seneddol yn San Steffan ar gytundeb Brexit Theresa May.

Byddwn ni'n dod a'r diweddaraf i chi o'r siambr yn ogystal â dadansoddiad o'r datblygiadau yn ystod y noson.

Gallwch chi hefyd wrando ar raglen arbennig ´óÏó´«Ã½ Radio Cymru neu Newyddion9 drwy'r dolenni uchod, felly arhoswch gyda ni.