����ý

Mae cyrchfan wyliau Bluestone i ddod yn ganolfan adfer i gleifion Covid-19.

Dywedodd y prif swyddog gweithredol, William McNamara, eu bod yn gweithredu mewn "amgylchiadau hynod unigryw".

“Mae'n hanfodol ein bod ni'n dod at ein gilydd i gefnogi ein gilydd - fel teulu, fel ffrindiau ac fel cymuned," meddai.

"Mae'n bleser gennym gynnig ein cyfleusterau i gael ei ddefnyddio yn yr amser hwn o angen cenedlaethol.

"Rydyn ni i gyd eisiau - ac angen - gwneud popeth o fewn ein gallu i wneud gwahaniaeth a chyfrannu at fynd i'r afael â'r argyfwng coronafirws sy'n datblygu."

Dywedodd cyfarwyddwr meddygol Bwrdd Iechyd Hywel Dda, Dr Phil Kloer: "Bydd cyflwyno'r gwelyau ychwanegol hyn i gleifion yn hanfodol i'n helpu i reoli llif cleifion dros yr wythnosau nesaf."

Heddlu Gogledd Cymru

Iechyd Cyhoeddus Cymru

Mae Iechyd Cyhoeddus Cymru wedi cyhoeddi fod chwe pherson arall wedi marw ar ôl cael coronafeirws yn y 24 awr ddiwethaf.

Mae hynny'n golygu bod 34 o bobl wedi marw ar ôl cael y feirws yng Nghymru.

Ychwanegwyd bod 180 o achosion newydd wedi'u cadarnhau, gan ddod â'r cyfanswm i 921.

O'r achosion newydd, mae 74 yn ardal Bwrdd Iechyd Aneurin Bevan, 38 yng Nghaerdydd a'r Fro a 20 ym Mwrdd Iechyd Betsi Cadwaladr.

Dyma grynodeb o'r rheolau newydd sydd bellach mewn grym a'r cyngor i'r cyhoedd er mwyn helpu mynd i'r afael ag argyfwng coronafeirws.

Plaid Cymru

Mae Plaid Cymru wedi galw ar gyfarwyddwr ����ý Cymru i ailfeddwl y penderfyniad i ganslo bwletinau teledu brecwast ar ����ý One Wales o ddydd Llun.

Dywedwyd wrth wylwyr y bore 'ma ei fod yn “fesur dros dro” tra bod y ����ý wedi addasu i “ofynion wrth ymdrin â Covid-19 a’i effeithiau ar ein bywydau i gyd”.

Wrth ymateb i feirniadaeth ar y cyfryngau cymdeithasol yn dilyn y cyhoeddiad, dywedodd cyfarwyddwr ����ý Cymru, Rhodri Talfan Davies: “Mae lefelau staffio yn y ����ý wedi cael eu heffeithio ledled y DU, ac mae’n rhaid i ni wneud penderfyniadau anodd am flaenoriaethau."

Llywodraeth Cymru

Cafodd Dr Iolo Doull o'r Coleg Brenhinol Paediatreg ac Iechyd Plant ei holi ar Newyddion S4C neithiwr am y datblygiadau diweddaraf ar ymlediad coronafeirws.

Dywedodd Dr Doull fod meddygon a nyrsys yn "becso am beth sy'n mynd i ddod" o ystyried y patrwm mewn gwledydd eraill.

Twitter

Ysgrifennydd Iechyd Llywodraeth y DU, Matt Hancock yw'r diweddaraf i gyhoeddi ei fod wedi cael prawf positif am Covid-19.

Daw wedi'r newyddion yn gynharach bod y Prif Weinidog Boris Johnson hefyd wedi cael prawf positif.

Llywodraeth Cymru

Mae Llywodraeth Cymru yn gofyn i fusnesau helpu i ddatblygu atebion diheintio cyflym ar gyfer cerbydau brys fel rhan o’r ymateb i bandemig coronafeirws.

Ar hyn o bryd gall gymryd hyd at 45 o funudau i lanhau ambiwlansys ar ôl iddyn nhw gludo cleifion sy'n cael eu hamau o fod â coronafeirws.

Mae busnesau yn cael eu hannog i gydweithio â GIG Cymru, mewn partneriaeth â’r Labordy Gwyddor a Thechnoleg Amddiffyn a’r Sbardunwr Amddiffyn a Diogelwch (DASA) er mwyn datblygu dulliau newydd o gyflymu’r broses o lanhau ambiwlansys a cherbydau eraill.

Ffynhonnell y llun, Llywodraeth Cymru

Cyngor Gwynedd

Mae Cyngor Gwynedd yn dweud na fydd yn "meddwl ddwywaith cyn defnyddio’n pwerau gorfodi i roi stop ar y busnesau hynny sy’n torri’r rheoliadau".

Dywedon nhw fod y Slater’s Arms yng Nghorris wedi "anwybyddu’r cyfarwyddyd cenedlaethol i roi’r gorau i fasnachu".

"Mae swyddogion o dîm Gwarchod y Cyhoedd Cyngor Gwynedd wedi gweithio gyda Heddlu Gogledd Cymru i ymchwilio i’r mater ac wrth iddi ddod yn amlwg fod y busnes yn anfodlon glynu at y rheoliadau newydd, rydym wedi gorfodi’r busnes i gau ar unwaith," meddai datganiad y cyngor.

"Os bydd y busnes yn parhau i dorri’r gyfraith, byddwn yn ystyried pa gamau pellach y byddai eu hangen o dan y rheoliadau newydd."

Ffynhonnell y llun, Google

Twitter

Eisteddfod Ryngwladol Llangollen

Eisteddfod Ryngwladol Llangollen yw'r digwyddiad diweddaraf i gael ei ganslo yn sgil argyfwng coronafeirws.

Dywedodd y trefnwyr eu bod yn ymddiheuro i’r rheiny fydd yn cael eu heffeithio, ac maen nhw wedi ymrwymo i’w cefnogi.

Twitter

Cyngor Ynys Môn

Mae Cyngor Môn yn dweud eu bod wedi cymryd camau er mwyn "cydbwyso diogelwch staff a sicrhau mai dim ond gwasanaethau critigol sy’n cael eu cynnal" yn sgil argyfwng coronafeirws.

Ychwanegwyd bod y penderfyniad wedi’i wneud er mwyn diogelu staff, parhau i ddarparu gwasanaethau hanfodol a rhoi cymorth i gymunedau a busnesau.

Dywedodd prif weithredwr y cyngor, Annwen Morgan" “Mae hwn yn gyfnod na welwyd mo’i debyg o’r blaen ac mae’r Cyngor Sir yn wynebu nifer o heriau wrth i’n staff ymroddedig barhau i ddarparu gwasanaethau hanfodol ar gyfer pobl Ynys Môn.

"Fodd bynnag, mae’n amlwg na fyddwn yn gallu darparu ein holl wasanaethau yn yr un ffordd ac rwy’n gofyn i drigolion fod yn amyneddgar.

“Rydym yn canolbwyntio ar gynnal y gwasanaethau hanfodol tra’n amddiffyn staff."

Mae staff y DVLA yn Abertawe yn honni ei bod "bron yn amhosib" cadw pellter o ddau fetr rhwng ei gilydd tra'n gweithio.

Dywedodd AS Dwyrain Abertawe, Carolyn Harris ei bod wedi derbyn "cannoedd" o gwynion gan nifer o'r 770 o staff sy'n gweithio ar y safle.

Mewn llythyr at staff, dywedodd y DVLA eu bod yn y categori gweithwyr allweddol, ond dyw Cyngor Abertawe ddim yn eu rhoi yn y categori hwnnw.

Dywedodd y DVLA mai eu "blaenoriaeth yw cadw ein staff yn ddiogel ond mae gennym hefyd rôl allweddol wrth gadw'r wlad yn symud".

Ffynhonnell y llun, PA

����ý News

Mae Llywodraeth Prydain wedi annog pobl i beidio symud tŷ er mwyn ceisio cyfyngu ar wasgariad Covid-19 ar draws y DU.

Dylai prynwyr a rhentwyr osgoi symud tra bo'r gorchymyn i aros yn eu cartrefi yn dod i ben, meddai'r llywodraeth.

Daw'r sylwadau wrth i adroddiadau awgrymu bod banciau yn pwyso am ohirio'r farchnad dai trwy'r DU.

Twitter

Laura Kuenssberg
Golygydd Gwleidyddol y ����ý

Cambrian News

Mae'r Cambrian News yn adrodd fod

Ond fe ddatgelodd Dr Eurig Harries hefyd sut roedd "diolchgarwch a haelioni" ei gleifion a’r gymuned gyfagos yn ei helpu i ddal ati.

Yn ogystal, mae'n pledio ar i bobl i ymddwyn yn gyfrifol trwy hunan ynysu er mwyn amddiffyn y GIG.