´óÏó´«Ã½

Mae Gareth Elis yn actor, canwr, a chyflwynydd sydd wedi ennill sawl gwobr am ei waith.

Yn wreiddiol o Sir Gâr, ond bellach yn byw yng Nghaerdydd, mae Gareth yn wyneb cyfarwydd i wylwyr Pigo dy Drwyn a Mabinogi-Ogi. Mae hefyd yn actor theatr profiadol ac ar fin chwarae rhan Osian yn sioe gerdd roc Nia Ben Aur yn yr Eisteddfod Genedlaethol eleni.

Dyma ddod i 'nabod Gareth ychydig yn well gyda chwestiynau busneslyd Cymru Fyw.

Bod yng nghôl Mam o flaen y lle tân a hithau'n dweud "Tân fan 'na Gareth".

Cefn gwlad Sir Gâr lle ces i'n fagu - y gwyrddni, y bryniau; yn llythrenol 'Lle i enaid gael llonydd'.

Siŵr o fod y noson enillais i'r ´óÏó´«Ã½ Audio Award, Best Debut Performance am y ddrama Tremolo llynedd yn Llundain. O'n i'n eistedd drws nesa' i Toby Jones. Am noson!

Penderfynol, gweithgar a charedig.

Cyngerdd agoriadol Eisteddfod Sir Gâr 2014. O'n i'n canu Eryr Pengwern yn y gyngerdd. Fe ddechreuodd John Quirk y gerddorfa ac o'n i dal i aros am feicroffon!

O fewn eiliadau roedd tua chwech o dechnegwyr o'm cwmpas i yn rhoi'r mic arna'i, dwi'n cofio meddwl "fi'n mynd i golli dechrau'r gân". Gwaeddodd John "Back to bar two" a brynodd y deg eiliad oedd angen i mi gyrraedd y llwyfan i ddechrau canu. Y cyfan yn hollol fyw ar S4C!

Wn i ddim sawl gwaith dwi wedi taro mewn i actorion mewn clyweliadau lle dylwn i gofio'u henwau - a cheisio cynnal sgwrs tra'n stryffaglu i drio cofio! Gormod i restru, ofnadwy!

Yn ddiweddar wrth wylio cyfres ddiweddaraf Welcome to Wrexham. Rhaglen mor ddidwyll sy'n gwneud fi'n falch o fod yn Gymro.

Cnoi fy ngwinedd! Dwi ddim yn ofnadwy, ond hen bryd i fi stopio'n gyfan gwbl!

Dwi'n dwlu ar Batman: The Dark Knight am berfformiad Heath Ledger fel y Joker. Mae ei wylio yn y rôl honno yn blueprint rhyfeddol o sut mae ymgorffori cymeriad yn llwyr.

Iesu Grist. Galla'i ddim meddwl am unrhyw un sydd wedi cael mwy o ddylanwad ar hanes dynoliaeth. Byddai gen i gymaint o gwestiynau!

Dwi'n reddfol swil ac yn gallu mwynhau dyddiau ar y tro heb weld neb, dim problem!

Casglu'r holl bobl dwi'n eu caru i fwyta, dathlu a chwarae gemau o dan yr un to.

Fi a Mam yn yr Eisteddfod pan o'n i tua tair blwydd oed. Mae'r Eisteddfod wedi chwarae rhan enfawr yn fy ngyrfa - o ennill cystadlaethau'r Sioeau Cerdd yn yr Urdd, Genedlaethol a Llangollen hyd nawr yn Nia Ben Aur, a Mam wedi bod ym mhob cynulleidfa. Mae'r llun yna'n teimlo'n addas iawn.

Bydden i'n dewis Gareth Bale pan oedd ar ei orau i Gymru. Y ffasiwn deimlad o fod yn un o chwaraewyr gorau'r byd, gyda'r pŵer i reoli unrhyw gêm a hynny gyda'r ddraig ar y crys. Rhaid bod hynny'n deimlad arallfydol!