Ysgol yn ailagor am gyfnod ar 么l marwolaeth 'drasig' disgybl 12 oed
Cafodd y disgybl ei ddisgrifio fel "aelod arbennig a gwerthfawr" o gymuned Ysgol Rhydywaun
- Cyhoeddwyd
Mae ysgol uwchradd wedi ailagor am gyfnod yn dilyn marwolaeth disgybl yn "ddirybudd" dros y penwythnos.
Cadarnhaodd Ysgol Gyfun Gymraeg Rhydywaun, sydd ym Mhenywaun, Rhondda Cynon Taf, farwolaeth "drasig" y disgybl o flwyddyn 7.
Cafodd y disgybl ei ddisgrifio fel "aelod arbennig a gwerthfawr o gymuned yr ysgol", gan ddweud bod meddyliau pawb yn yr ysgol gyda theulu'r unigolyn.
Bu'r ysgol ar agor am rai oriau ddydd Mercher a bydd ar agor eto ddydd Iau er mwyn i ddisgyblion gael cyfle i siarad gyda staff a derbyn cymorth arbenigol.
'Episod meddygol'
Dywedodd Heddlu De Cymru eu bod wedi cael eu galw toc wedi 18:20 nos Sadwrn i adroddiadau fod plentyn 12 oed wedi cael "episod meddygol" ym Merthyr Tudful.
Cafodd y plentyn ei gludo i'r ysbyty ond bu farw, medd y llu.
Dyw'r farwolaeth ddim yn cael ei thrin fel un amheus.