Rhybudd melyn am stormydd i rannau o'r gogledd
Daw'r rhybudd melyn i ben am 23:59 nos Iau
- Cyhoeddwyd
Mae disgwyl stormydd a chyfnodau o law trwm mewn rhannau o ogledd a chanolbarth Cymru brynhawn dydd Iau.
Mae'r Swyddfa Dywydd wedi cyhoeddi rhybudd melyn am stormydd o daranau fydd mewn grym rhwng 12:00 dydd Iau, tan 23:59.
Fe allai'r tywydd garw arwain at lifogydd a thrafferthion i deithwyr yn ogystal ag effeithio ar gyflenwadau trydan.
Fe allai hyd rhwng 25-30mm o law ddisgyn mewn awr neu ddwy, gyda hyd at 50mm yn bosib mewn mannau.
Mae'r rhybudd yn berthnasol i saith o siroedd yng Nghymru - Conwy, Sir Ddinbych, Sir y Fflint, Gwynedd, Sir Fynwy, Powys a Wrecsam.