´óÏó´«Ã½

Mae'r gantores a'r cyflwynydd teledu Elin Fflur yn dweud ei bod "yn gyffrous iawn" wrth edrych ymlaen at gyflwyno rhaglen newydd wythnos nesaf ar ´óÏó´«Ã½ Radio Wales.

Dywed yr orsaf y bydd yn "dod ag egni ffres a bywiog i nosweithiau Gwener" rhwng 19:00 a 22:00, gyda'r rhifyn cyntaf nos Wener 9 Awst.

"Gen i angerdd mawr at gerddoriaeth a phobl a dwi'n teimlo bydd y sioe yma yn rhoi'r gorau o'r ddau i mi," dywedodd.

"Dwi'n edrych ymlaen at groesawu'r penwythnos gyda thiwns hapus a vibes da."

Dywed yr orsaf y bydd y rhaglen newydd "yn gyfuniad o nostalgia a llawenydd" ac yn llawn caneuon "disco a chlasuron parti" o'r 70au, 80au a'r 90au.

Fe fydd y gantores o Fôn yn cyflwyno'r rhaglen yn fyw o ganolfan y ´óÏó´«Ã½ ym Mangor.

Gan ei chroesawu i'r orsaf, dywedodd pennaeth ´óÏó´«Ã½ Radio Wales, Carolyn Hitt y bydd "yn gwmni gwych ar nosweithiau Gwener i'n gwrandawyr".

Ychwanegodd: "Fel un o gantorion-cyfansoddwyr mwyaf talentog Cymru, bydd hi'n rhannu ei gwybodaeth ac angerdd cerddorol gyda'n cynulleidfa.

"Ac fel cyflwynydd medrus mae ganddi gynhesrwydd a charisma."