Rhybuddio Andrew RT Davies rhag trafod diddymu'r Senedd
Dywedodd Andrew RT Davies ei fod yn "awyddus i weld barn pobl" ar ddiddymu'r Senedd
- Cyhoeddwyd
Mae arweinydd y Ceidwadwyr Cymreig wedi cael ei rybuddio yn erbyn ceisio cael dadl am a ddylid diddymu'r Senedd gan aelod blaenllaw o'i blaid.
Dywedodd Andrew RT Davies ar X - Twitter gynt - ei fod wedi codi'r mater yn sioe amaethyddol Bro Morgannwg am ei fod yn "awyddus i weld barn pobl".
Ond dywedodd yr Arglwydd Nick Bourne - cyn-arweinydd y Ceidwadwyr yng Nghymru a chyn-aelod o'r Cynulliad, fel yr oedd ar y pryd - fod "nifer fawr o bethau da am wleidyddiaeth ddatganoledig".
Dyw diddymu'r Senedd ddim yn bolisi'r Ceidwadwyr, ond dywedodd Mr Davies ei fod yn ceisio cael barn y bobl.
'Ddim yn gwneud llawer o synnwyr'
Dywedodd yr Arglwydd Bourne ar raglen Sunday Supplement 大象传媒 Radio Wales: "Pan wnaed y bleidlais dros 25 mlynedd yn 么l, fe benderfynon ni mai'r ffordd gywir ymlaen oedd gwneud y Cynulliad - y Senedd nawr - i weithio er budd pobl Cymru.
"Dyna'r safle o hyd yn bendant. Dydw i ddim yn gweld pam 'dyn ni'n mynd i lawr y blind alley yma.
"Dyw e ddim yn gwneud llawer o synnwyr i fi."
Dywedodd yr Arglwydd Bourne nad yw'r deall pam fod Mr Davies yn codi'r mater
Yn gynharach yr wythnos hon fe rannodd Mr Davies lun ar X o Sioe Bro Morgannwg.
Roedd yn gofyn i bobl roi p锚l mewn un o ddau focs - un yn dweud y dylid diddymu'r Senedd, ac un arall yn dweud na ddylid ei diddymu.
Dywedodd Mr Davies ei fod yn "b么l piniwn anwyddonol".
Yn ymateb i feirniadaeth ar X, dywedodd Mr Davies: "Rydyn ni jyst yn awyddus i weld barn pobl. Mae'n bwysig darganfod beth mae pobl yn ei feddwl".
- Cyhoeddwyd8 Awst
Fe wnaeth yr Arglwydd Bourne hefyd gwestiynu pam fod Mr Davies wedi codi'r mater o argaeledd cig sydd ddim yn halal yn ysgolion Cymru.
Mae Mr Davies wedi cael ei gyhuddo gan Gyngor Mwslemaidd Cymru o bryfocio mewn modd Islamoffobaidd gyda'i sylwadau mewn erthygl ddiweddar ar gyfer gwefan GB News.
Dywedodd yr Arglwydd Bourne: "Mae angen i ni wneud yn glir ein bod ni'n blaid ar gyfer y wlad gyfan.
"Rydyn ni'n blaid ar y dde gymedrol, a dylid adlewyrchu hynny yn y ffordd rydyn ni'n mynd ati gyda gwleidyddiaeth yng Nghymru."
'Dydw i ddim yn ymddiheuro'
Yn ymateb i'r feirniadaeth dywedodd Mr Davies ddydd Sul bod y "Ceidwadwyr Cymreig yn sefyll yn erbyn pob math o hiliaeth, gan gynnwys yn erbyn Mwslemiaid".
"Mae pobl o ar draws Cymru wedi codi'r mater o argaeledd cig sydd ddim yn halal mewn ysgolion gyda mi.
"Mae'r cwestiynau yn rhai dilys a dydw i ddim yn ymddiheuro am eu lleisio."