Storm Isha: Disgwyl gwyntoedd cryfion a glaw
Mae'r Swyddfa Dywydd yn rhybuddio y bydd Cymru yn cael glaw trwm a gwyntoedd cryfion yn ystod y penwythnos
- Cyhoeddwyd
Mae'r Swyddfa Dywydd wedi cyhoeddi rhybudd oren am wynt a rhybudd melyn am law ar draws Cymru dros y penwythnos.
Mae disgwyl i nerth gwyntoedd Storm Isha gyrraedd 70 mya mewn ardaloedd arfordirol.
Mae'r rhybudd oren am wynt yn weithredol o 18:00 nos Sul tan 09:00 fore Llun tra bod y rhybudd glaw mewn grym o 06:00 fore Sul tan 06:00 fore Llun.
Mae'r Swyddfa Dywydd yn rhybuddio y gall y tywydd achosi llifogydd, difrod i adeiladau a thrafferthion teithio.
Daw hyn wedi i rew ac eira orfodi rhai ysgolion i gau ddydd Iau a ddydd Gwener.