����ý

Mae geirfa ar ddiwedd yr erthygl i bobl sy'n dysgu Cymraeg.

Mae Almaenes sy’n byw yn Sir Fôn yn ymarfer ei Chymraeg yn y sawna lleol.

Daeth y sawna yn boblogaidd yn Yr Almaen ar ôl yr Ail Ryfel Byd.

Yn ôl Dani Schlick, mae mynd i’r sawna “yn rhywbeth hollol gyffredin a chymdeithasol yn Yr Almaen”.

Ers symud i Gymru, mae Dani yn ymarfer ei Chymraeg yn y sawna ar draeth Tyn Tywyn.

Dywedodd Dani wrth Aled Hughes ar ����ý Radio Cymru:

“Yn Yr Almaen mae mynd i’r sawna yn rhywbeth mae pobl yn ei wneud i gadw’n iach, mae’n gwneud lles iddyn nhw.

“M����‵� gymdeithasol hefyd, mae pobl o bob cefndir, o bob oedran yn mynd i’r sawna ac yn mwynhau yno.”

Sut wnaeth Dani ddechrau ymarfer ei Chymraeg yn Sawna Bach ar draeth Tyn Tywyn?

“Ro’n i’n colli mynd i’r sawna ac o’n i’n sgwrsio efo Almaenes arall sydd, digwydd bod, yn byw drws nesaf i fi.

“Roedd hi’n cytuno bod angen sawna yma felly mi wnaeth hi a dau ffrind agor Sawna Bach.”

“Maen nhw wedi cychwyn sesiynau sgwrs, i bobl gael sgwrs Gymraeg yn y sawna.

“Dych chi’n cael siarad Cymraeg yn y dafarn, yn y caffi, yn y siop… mae yna gyfle i sgwrsio yn Gymraeg yn y sawna hefyd!"

“Nac ydy, mae pobl yn dewis dod. Mae pobl yn licio profi rhywbeth newydd a’i brofi yn Gymraeg.

“Does neb yn beirniadu, mae’n ofod saff.

“Mae pobl yn dod yno i siarad Cymraeg ac mae mynd i’r môr a rhedeg dros y twyni tywod yn frêc naturiol.

“Gallwch chi wneud hynny yn y Gymraeg hefyd. Mae’n awyrgylch hollol naturiol.”

Yn ôl Dani, mae mynd i’r sawna yn dda i’w hiechyd hefyd:

“M����‵� cryfhau’r system imiwnedd, dw i’n llai tebygol o gael annwyd ar ôl bod yn y sawna.

“M����‵� gwneud lles i fod ym myd natur.

"Dw i wrth fy modd yn mynd i’r môr hefyd. Mae’n gwneud lles i’r corff a’r meddwl.”

Ar hyn o bryd mae Dani'n mynd i’r sawna unwaith neu ddwywaith y mis.

Mae hi’n gobeithio y bydd y sawna yn dod yn fwy poblogaidd yng Nghymru, fel y mae yn Yr Almaen:

“Byddwn i wrth fy modd yn gweld hyn yn dod yn rhan o ddiwylliant Cymru.

“M����‵� neis gweld bod mwy o bobl isio mynd i’r sawna a bod mwy o sawnas yn agor ar draws y wlad.”

Almaenes/German-woman

poblogaidd/popular

Ail Ryfel Byd/Second World War

cymdeithasol/social

gwneud lles/beneficial

cefndir/background

digwydd bod/as it happens/as a matter of fact

chwysu/sweat

profi/experience

beirniadu/judge

gofod saff/safe space

twyni tywod/sand dunes

awyrgylch/atmosphere

cryfhau/strengthen

llai tebygol/less likely

diwylliant/culture