Lockyer 'yn derbyn' efallai na fydd yn chwarae eto
Mae Tom Lockyer yn dal yn gobeithio dychwelyd i'r cae, ond mae wedi dod i delerau 芒'r posibilrwydd na fydd hynny'n digwydd
- Cyhoeddwyd
Mae'r p锚l-droediwr Tom Lockyer yn dweud ei fod wedi dod i dderbyn y posibilrwydd na fydd yn gallu chwarae eto ar 么l cael ataliad ar y galon, er nad yw'n llwyr ddiystyru dychwelyd i'r g锚m.
Fe lewygodd amddiffynnwr Cymru wrth chwarae i Luton yn erbyn Bournemouth yn Uwchgynghrair Lloegr fis Rhagfyr y llynedd - yr eildro i hynny ddigwydd o fewn saith mis.
Mae wedi dweud ei fod "yn dechnegol wedi marw" am ddau funud a 40 eiliad cyn i barafeddygon ei ddadebru.
Datgelodd ym mis Mawrth bod dod yn dad am y tro cyntaf wedi gwneud iddo ailasesu ei flaenoriaethau wrth edrych tua'r dyfodol.
'Dyw e ddim yn ddiwedd y byd'
"Does dim cyfrinach y byddwn i wrth fy modd yn dychwelyd i b锚l-droed," dywedodd wrth 大象传媒 Radio Wales.
"Ond yn y pendraw mae'n dibynnu ar gardiolegydd neu arbenigwr sydd wedi ymchwilio'n llawn i'r hyn sydd wedi digwydd ac os gallai ddigwydd eto, oherwydd mae gyda ni ferch fach nawr a hi yw'r flaenoriaeth.
"Byddwn i wrth fy modd yn chwarae p锚l-droed eto, wrth gwrs - dyna fy mywyd - ond os nad dyna'r achos rwy' wedi dod i delerau gyda hynny hefyd.
"Rwy' wedi chwarae dros fy ngwlad, rwy' wedi chwarae ymhob cynghrair a sgorio ymhob cynghrair hyd at yr Uwchgynghrair felly dyw e ddim yn ddiwedd y byd.
"Yn y pendraw, mae gyda fi fy iechyd a dyna'r peth pwysicaf."
Parafeddygon yn trin Tom Lockyer ar y cae ym mis Rhagfyr 2023 wedi iddo gael ail ataliad ar y galon
Mae'r chwaraewr 29 oed sy'n hanu o Gaerdydd bellach 芒 theclyn ICD (implantable cardioverter-defibrillator) yn ei frest, sydd i fod i ailddechrau'r galon yn syth os oes digwyddiad tebyg yn y dyfodol.
Os na fydd yn gallu chwarae eto, mae'n awyddus i barhau o fewn y byd p锚l-droed ac yn bwriadu sicrhau bathodynnau hyfforddi.
"Rwy' wedi gwneud rhywfaint o waith sylwebu hefyd, a wir yn mwynhau, felly mae yna opsiynau.
"Dydw i ddim am wneud dim un o'r rheiny llawn amser ar y funud, yn amlwg.
"Rwy' am geisio canolbwyntio ar ddychwelyd i'r cae, ond os na ddigwyddith hynny rwy'n si诺r bydd yna rywbeth arall ar fy nghyfer."
Ar hyn o bryd mae Lockyer yn rhan o ymgyrch yr elusen British Heart Foundation i annog o leiaf 270,000 o bobl i ddysgu technegau CPR.
"Mae'n llythrennol yn achub bywydau ac rwy'n brawf o hynny," meddai. "Rwy'n gwybod pa mor bwysig yw CPR."