Canfod gweddillion corff dyn sydd wedi bod ar goll ers 2002
Roedd Russell Scozzi wedi bod ar goll ers Mai 2002
- Cyhoeddwyd
Mae Heddlu De Cymru wedi cadarnhau bod gweddillion corff dyn sydd wedi bod ar goll ers 21 mlynedd wedi cael eu canfod.
Cafodd gweddillion Russell Scozzi o Abertawe eu darganfod ar 6 Ebrill mewn ardal coetir tu 么l i Waverley Drive, Y Mwmbwls.
Roedd Mr Scozzi, o ardal West Cross, wedi bod ar goll ers mis Mai 2002.
Fe dalodd chwaer Mr Scozzi deyrnged i'w brawd gan ddweud: "Mae fy nghalon yn mynd i blant Russell sydd wedi tyfu i fyny heb eu tad heb wir wybod beth ddigwyddodd iddo.
"Roeddwn i'n caru Russell yn fawr.
"Fe oedd fy mrawd mawr roeddwn o hyd yn edrych i fyny i pan oeddwn yn tyfu i fyny, ac mae ei golli yn y ffordd yma wedi bod yn ofnadwy.
"O'r diwedd gallwn gael y cyfle i'w alaru'n iawn."
Ychwanegodd: "Gobeithio y gallwn nawr, fel teulu, ei osod i orffwys a gyda gwaith Heddlu De Cymru darganfod beth ddigwyddodd iddo."
Dywedodd y ditectif prif arolygydd Matt Davies, o Heddlu'r De, fod yr ymchwiliad i farwolaeth Mr Scozzi yn parhau.
"Fe wnaeth trigolion Waverley Drive gefnogi swyddogion trwy gydol ein hymchwiliad helaeth a hirfaith o'r ardal a hoffem ddiolch iddyn nhw am eu cymorth a'u hamynedd," meddai.
Ychwanegodd fod teulu Mr Scozzi yn cael eu cefnogi gan swyddogion arbenigol.