Rhybudd melyn am stormydd i Gymru ddydd Iau
Bydd y rhybudd melyn mewn grym tan 22:59 nos Iau
- Cyhoeddwyd
Mae'r Swyddfa Dywydd wedi cyhoeddi rhybudd melyn am stormydd mellt a tharanau i rannau o ogledd, canolbarth a de Cymru.
Daeth y rhybudd i rym am 01:00 fore Iau a bydd yn dod i ben am 22:59 nos Iau.
Mae disgwyl cawodydd trymion ar draws rhannau o Gymru gyda rhwng 25-50mm o law yn bosib mewn rhai mannau.
Mae disgwyl y bydd y storm yn datblygu brynhawn Iau mewn rhannau o dde Cymru ac mae rhybudd am wyntoedd cryfion a llifogydd.
Fe all y tywydd garw arwain at golli cyflenwadau trydan a thrafferthion ar y ffyrdd.
Mae'r rhybudd mewn grym ar gyfer pob sir yng Nghymru oni bai am Ynys M么n a Sir Benfro.