Rhybuddion am wyntoedd cryfion yn sgil Storm Lilian
Mae rhybudd fore Gwener mewn grym ar gyfer arfordir y gogledd
- Cyhoeddwyd
Mae rhybudd y bydd gwyntoedd cryfion yn taro rhannau o'r gogledd ddydd Iau a dydd Gwener, gyda hyrddiau o hyd at 80mya yn bosib mewn mannau.
Roedd y Swyddfa Dywydd wedi cyhoeddi rhybudd melyn a ddaeth i rym am 01:00.
Daeth i ben am 09:00 ac roedd yn berthnasol i Sir Conwy, Gwynedd ac Ynys M么n.
Bydd rhybudd melyn arall mewn grym ddydd Gwener, a hynny ar gyfer arfordir y gogledd o Ynys M么n i'r ffin 芒 Lloegr.
Daw yn sgil Storm Lilian, ac mae'r rhybudd hwnnw mewn grym o 05:00 tan 11:00 ddydd Gwener.
Mae'r Swyddfa Dywydd wedi rhybuddio y gallai'r tywydd garw effeithio ar drafnidiaeth gyhoeddus a chyflenwadau trydan, yn ogystal ag achosi rhywfaint o drafferthion i deithwyr ar y ffyrdd.
Nos Fercher cafodd cyfyngiadau cyflymder eu gosod ar Bont Britannia rhwng Ynys M么n a'r tir mawr oherwydd y gwyntoedd cryfion.
Mae gig New Order a The Charlatans, oedd i fod i gael ei chynnal ym Mae Caerdydd nos Iau, wedi cael ei chanslo wrth i'r trefnwyr ragweld gwyntoedd cryfion yno hefyd.