'Breuddwyd' i fand o Gymru gefnogi Foo Fighters
Fe wnaeth Foo Fighters, a'u prif leisydd Dave Grohl, ymddangosiad annisgwyl yn Glastonbury y penwythnos diwethaf
- Cyhoeddwyd
Mae'r band Chroma o Rhondda Cynon Taf wedi dweud ei bod hi'n "freuddwyd" cael gwahoddiad i rannu llwyfan gyda Foo Fighters ar eu taith Brydeinig y flwyddyn nesaf.
Bydd y band byd enwog o America yn perfformio mewn sawl dinas yn y DU yn 2024, gan gynnwys yng Nghaerdydd, fel rhan o daith fyd-eang.
Fe fydd Chroma yn eu cefnogi pan fyddan nhw'n chwarae yng Nghae Criced Old Trafford, Manceinion ym mis Mehefin.
Wrth siarad 芒 rhaglen y Post Prynhawn ar 大象传媒 Radio Cymru, dywedodd prif leisydd Chroma, Katie Hill ei bod yn credu i ddechrau mai j么c oedd y gwahoddiad.
Fe sylweddolodd wedyn fod yr e-bost a gafodd hi'n eu gwahodd i gymryd rhan yn un o ddifrif.
"Mae'n freuddwyd cael gwneud rhywbeth fel hyn," meddai.
"I ni gyd, mae'r Foo Fighters wedi ysbrydoli ni. Mae'n freuddwyd, ni'n dal yn buzzing."
Roedd Chroma yn rhan o brosiect Gorwelion y 大象传媒 yn 2018
Yn 么l Katie, dyw hi dal ddim yn sicr sut y cawson nhw'r gwahoddiad.
"Naeth y booker gysylltu gyda ni i gynnig y gig. Ni'n really, really lwcus," meddai.
Mae hi'n credu y bydd y gig yn codi proffil y band, sydd dan label Alcopops.
"Ni wedi bod yn gweithio'n galed dros y blynyddoedd diwetha' i roi albwm at ei gilydd," meddai.
"Yn y byd cerddoriaeth ti ddim yn cymryd dim byd for granted.
"Mae stwff fel hyn yn dod i ti a ti'n neud e... dwi just isie gwneud cerddoriaeth dda."
Er bod Chroma wedi chwarae yn rhai o wyliau cerddorol mawr gwledydd Prydain, fel Reading a Leeds, a Big Weekend Radio 1, mae canu yn y Gymraeg hefyd yn bwysig iddyn nhw.
"Fyddan ni'n sicr yn canu yn Gymraeg yn Old Trafford, ac mae'n dda gallu gwneud hynna," meddai Katie.