´óÏó´«Ã½

Anns an t-seirbheis cluinnidh sibh na laoidhean is na leughaidhean a leanas:

Amy NicAmhlaigh a’ seinn Seinneamh don Tighearna
Pauline NicDhòmhnaill a’ seinn Salm 23
Còisir Eaglais Naomh Pheadar a’ seinn Subhachas nam Chridh’

Leughaidhean:
Isaiah 50: 4-7
Pàis an Tighearna Ìosa Crìosda a rèir Naomh Lùc

Rugadh Mgr Ruairidh MacAmhlaigh ann an Dùn Bhlàthain ann an 1963. Rinn an teaghlach aige imrich gu Durban ann an Afraga a Deas ann an 1970 agus dh'fhuirich e an sin airson dusan bliadhna. Thill e a dh'Alba gus dreuchd sagairt a thoirt a-mach. B' ann an Colaiste Naomh Anndrais agus Colaiste Gillis ann an Dùn Èideann a rinn e an trèanadh aige agus thàinig e mach na shagart anns a' Ghiblein 1988. Tha e air a bhith na shagart paraiste ann am Beinn na Fadhla, an t-Òban, Ceann Loch Chille Chiarain, Ceann a Deas Uibhist is Èirisgeidh agus anns a' Chaol sa Ghearasdan. Nuair a bha e stèidhichte ann an Uibhist bha ùidh mhòr aige anns na cearcan aige agus bhiodh e toirt na h-uighean chun na lapaich anns a' pharaiste nuair a bhiodh e tadhail orra uair sa mhìos. Tha ùidh mhòr aig Mgr Ruairidh ann am pìobaireachd agus cluichidh e fhèin a' phìob. Tha e math cuideachd air peantadh, a' peantadh dhealbh nuair a bhios ùine aige.