´óÏó´«Ã½

Tha am Mòd Nàiseanta Rìoghail air ais ann an Dùn Omhain agus ‘s ann dhan bhaile sin a tha sinn a' dol air an t-seachdain seo airson Dèanamaid Adhradh à tasglann a’ BhBC gu seirbheis a’ Mhòid bho 1994.

Chaidh an t-seirbheis a chumail ann an Eaglais Naomh Eòin sa bhaile agus b’ e an t-Urr Dòmhnall Stiùbhart nach maireann a bha os cionn na seirbheis.

Anns an t-seirbheis cluinnidh sibh na sailm a leanas:

Salm 65: 105 air fonn Kilmarnock
Salm 43: 3-5 air fonn St Stephen
Salm 72: 17-19 air fonn Effingham

Leughaidhean:
Samuel 23: 13-17
Matthew 26: 6-13

Bha an t-Urr Dòmhnall Stiùbhart nach maireann na mhinistear ann am Fenwick. Bhuineadh e do sgìre Dhùn Tuile às an Eilean Sgiathanach bho thùs. Leig e dheth dreuchd coitheanail ann an 1984 agus chaidh e a dh’fhuireach ann an Tollard (Toward) faisg air Dùn Omhain. Rinn e mòran às leth na Gàidhlig agus tha duais mar chuimhneachan air Mgr Stiùbhart ga thoirt seachad aig a' Mhòd gach bliadhna, Rev. Donald Stewart (Duntulm) Memorial Quaich, airson a bhith ag aithris bàrdachd.