´óÏó´«Ã½

Biadhaidh seo ceathrar.

Gritheidean:

1 Uinnean air a ghearradh ann am pìosan beaga 
2 spàin mhòr Ola
1 spàin bheag siùcar donn
Cnap (mu 5 cm a mheud) dinnsear air a rùsgadh agus air a ghearradh
100 grama papaya tioram air a ghearradh
1 orainsear
150 ml fìon geal
4 broilleach circe
12 pìosan beucan air a’ smocadh
Salainn agus piobar

¶Ùò¾±²µ³ó:

Cuir an t-uinnean agus an ola dhan a’ phana agus teasaich e airson deich mionaidean (air teas nach eil ro àrd), gus am fàs an t-uinnean bog.

Crath an siùcar air uachdar, tionndaidh suas an teas glè àrd agus cùm ort ga chòcaireachd airson dhà no thrì mhionaidean gus a bheil an t-uinnean ruadh.

Cuir an dinnsear agus am papaya dhan phana còmhla ris an uinnean. Sgrìob rùsg an orainsear agus cuir dhan a’ phana e cuideachd.

Geàrr broinn an orainsear na phìosan beaga agus cuir ann am pana eile e còmhla ris an fhìon gheal. Teasaich gus am bi e a' goil.

Crath an salainn agus am piobar ann a-nis. Cuir dà spàin mhòr dhen stuth seo a-steach am broinn gach pìos cearc. Cùm na tha air fhàgail dheth.

Cuir trì pìosan beucan timcheall nam pìosan circe. Còmhdaich gach pìos ann am foil.

Cuir dhan an àmhainn aig teas 190C no Gas 5 airson leth uair no dà fhichead mionaid gus am bheil sibh cinnteach gu bheil a’ chearc bruich.

Measgaich na th’ air fhàgail dhen orainsear agus am fìon còmhla gus am bi e mar sabhs agus teasaich.

Cuir na pìosan circe air gach truinnsear agus dòirt an sabhs air uachdar.