´óÏó´«Ã½

Fhuair Cathy a-mach thairis air seachdain Cheòlais nach ann a-mhàin mu chlasaichean ionnsachaidh anns an sgoil a bha an Fheis. As dèidh cuairt Dhòmhnaill Ruairidh chun an taobh a deas mar a chuala sibh anns a phrògram mu dheireadh agus as dèidh na bha sin de choiseachd a dhèanamh , bha suas ri sia cèilidhean taighe gu bhith gabhail àite an oidhche sin. Eadar taobh an Iar is taobh an Ear ceann a deas Uibhist bha taghadh ann de chèilidhean, agus muinntir an àite a' fosgladh an dorsan agus a' cur fàilte mhòr air luchd frithealaidh na feis a thighinn a-staigh. Rinn Cathy an gnothach air tadhail air dà cheilidh agus gheibh sibh blasad dhiubh sin. Tha Pol MacCaluim a toirt dhith torr comhairle agus cuideachadh mun an t-seinn agus 'sann air line dancing a tha I a' feuchainn air an t-seachdainn seo. Agus tha beagan farpais aig Cathy a thaobh an t-seinn tuigidh sibh sinn nuair a chluinneas sibh Simona à Romania a' seinn òran anns a Ghàidhlig.