´óÏó´«Ã½

Dà uair a thìde de chòmhradh agus ceòl air leth, còmhla ri Iain Mac 'ille Mhìcheil, a' craoladh beò à stiùdio a' BhBC ann an Glaschu. Na chuideachd an t-seachdainn sa, tha Ishi Nic ‘ílleathain à Eilean Bharraigh. Bha Ishi na craoladair, cleasaiche is neach-rannsachaidh dèagh ghreis air tìr mòr, mus do chuir ì roimhpe bhith siubhal fad is farsaing. Tha ì dìreach air tilleadh bho bhith ann an Àisia fad ochd mìosan, a tadhal sna h-Innseachan, Myanmar, Vietnam, Bali agus Thailand. An sin bha ì an sàs ann an diofar spòrs - a feuchainn air crossfit ann an Hanoi, sabaid Muay Thai ann an Koh Samui agus cuideachd a trèanadh mar thidsear yoga ann an Koh Phangan. Bho thachair i-fhèin is Iain mu dheireadh bho chionn beagan bhliadhnaichean, tha ì cuideachd air Kilimanjaro a shreap!
On a thill Ishi a dh ‘Alba stamhradh, tha ì air a bhith cuir seachad tòrr ùine a’ coiseachd sna beanntan, agus a’ ruith. Tha ì nise ag amas air a dhol air feadh na dùthcha a gabhail pàirt ann an rèisean.
Cluinnidh sinn seanchas Ishi, agus ceithir de na roghaineann ciùil pearsanta aice. Mar is àbhaist cuideachd, bìth measgachadh math de sheinneadairean is còmhlain aig Mac ílle Mhìcheil fhèin dhuinn. Tha iad sin uile air an taghadh eadar Country, Americana is ceòl Ceilteach, le seann òrain agus feadhainn a tha buileach ùr air an clàradh.