´óÏó´«Ã½

Tha Oilthigh Ghlaschu a' cuimhneachadh air Madge Anderson mar phàirt de phròiseact a tha a' comharrachadh ceud bliadhna de bhoireannaich a bhith nan luchd-lagha ann am Breatainn. B’ i Madge a’ chiad boireannach a cheumnaich bho Oilthigh Ghlaschu ann an lagh, agus is i a’ chiad neach lagh boireann a bha riamh ann am Breatainn. Tha an tè lagha Magaidh NicAoidh air a bhith a’ rannsachadh a beatha.

‘S iomadh dachaigh anns na h-eileanan agus air Ghàidhealtachd a chuir stòbh an sàs an àite teine fosgailte às an fhichead bliadhna a chaidh seachd. Bhathar an dùil gur e dòigh nas èifeachdaich air taigh a theasachadh a bha seo seach nach ro na stòbhaichean a’ dol tron a leithid de chonnadh leis gu bheil an t-àite nas lugha agus cuideachd chan eil an teas a' dol suas an similear. Ach ged a tha e nas fheàrr dhan àrainneachd nas lugha de chonnadh a chosg, tha an iarmailt fhathast air a truailleadh le smoc. Tha ceist ma choinneamh an riaghaltas agus iad air Ro-Innleachd Adhar Glan fhoillseachadh air ciamar is urrain dèiligeadh le truailleadh adhar. Anns a’ phlana tha teintean air an ainmeachadh ach saoil an toir seo buaidh air dachaighean dhaoine? Tha an Comhairliche Àrainneachd Aonghas MacAoidh còmhla ri Cathy.

Tha Sandra Mhoireach air tilleadh à Lunnainn far am faca i taisbeanaidhean aodaich le Japanese Kusama nam measg. Tha Sandra anns an stiùidio airson innse na chunnaic i anns na taisbeanaidhean.

bbc.co.uk/feasgar