´óÏó´«Ã½

Tirisdeach, croitear, sgoilear, tidsear, bàrd, sgrìobhadair: tha iad gu lèir a’ freagairt air an Àrd-Ollamh Dòmhnall Meek. Thogadh e an Tiriodh agus tha croit is dachaigh a sin fhathast a th' air a bhith na phàirt mhòr de bheatha. Chaidh e a dh'Oilthighean Ghlaschu agus Chambridge, a' ceumnachadh às gach fear le urram ciad clas, à Glaschu le Ceiltis 's à Cambridge le Anglo-Saxon, Norse agus Ceiltis. Thill e a dh'Alba às dèidh bliadhnaichean sona an Cambridge gu obair air Faclair na Gàidhlig an Oilthigh Ghlaschu. Bha e an uair sin na Àrd-Ollamh ann an Roinn Ceiltis Oilthigh Obar Dheathain agus Dhùn Èideann. A thuilleadh air a sin tha e air iomadh leabhar a sgrìobhadh ann an raointean cho eadar-dhealaichte ri eachdraidh nan eaglaisean, bàrdachd agus bàtaichean Mhic a' Bhruthainn. Tha e cuideachd air a bhith an sàs ann an iomadach buidheann eadar Comann Gàidhlig Inbhir Nis, Comann Eachdraidh Eaglaisean an h-Alba agus na chathraiche air Buidheann Comhairleachaidh Ministreil na Gàidhlig ( MAGOG ).

San t-sreath seo 's e sealladh gu math pearsanta a tha sinn a' faighinn air Dòmhnall Meek 's air na cuspairean a bha agus a tha cudromach na bheatha is e a' beachdachadh air a h-uile car is toinneamh a ghabh i còmhla ri Annella Nicleòid. San earrann seo tha iad an Cambridge far na rinn Dòmhnall an dàrna ceum aige ann an Colaiste Emmanuel. Seo àite far a robh e air leth toilichte 's far na rinn e obair mhòr. Tha iad sa leabharlann a' coimhead ri leabhraichean cho cudromach 's a th' againn ann an eachdraidh a' Bhìobaill Gàidhlig air na rinn Dòmhnall fhèin uidhir de dh'obair. Tha urram dha chur orra cuideachd le bhith a' suidhe aig a' bhòrd àrd airson biadh meadhan-là am measg gleadhraich nan oileanach. Tha cuideachd sgeulachd bheag aige mu oileanach ainmeil eile a bhuineadh do Thiriodh a chaidh a Chambridge.