´óÏó´«Ã½

Tha an Teàtar Nàiseanta a' comharrachadh deich bliadhna air an t-samhradh seo, le deilbh-chluich gan sealltainn ann an taighean-dheilbh air feadh na rìoghachd, fhads a tha ’d a' gabhail àite, beò air an àrd-ùrlar. Am bheil e cheart cho math ri bhith an làthair aig teàtar fhèin? Chaidh John Neil Dòmhnallach a dh'fhaicinn The Lehman Trilogy ann an Dùn Èideann.

Oidhche Dhiardaoin air ´óÏó´«Ã½ Alba cluinnear mu dheidhinn Còisir Albannach a bhios a’ gabhail pàirt airson a’ chiad uair ann am farpais Eurovision do Chòisirean 2019 ann an Gothenburg. ‘S i an ceòladair agus am preseantair telebhisein Joy Dunlop a bhios a’ stiùireadh còisir Alba, a th' air an tarraing às gach ceàrnaidh den dùthaich. Tha Joy Dunlop agus Tony Kearney còmhla rinn air Feasgar gus barrachd innse mu na prògraman telebhisean -, agus gu dearbh mar a tha an còisir a' faireachdainn aig an ìre sa - gun ach beagan lathaichean ron fharpais mhòr oidhche Shathairne, a tha cuideachd gu bhith air a shealltainn beò air ´óÏó´«Ã½ Alba.

Agus tha Seona NicLintock air ais le beachd air dà fhilm ùr, an t-seachdain sa, Horrible Histories agus The Current War.