´óÏó´«Ã½

Tha ceithir fichead bliadhna ann bho chaidh am bata-aigeil Gearmailteach U33 a chuir fodha ann an Linne Chluaidh. B' e tachartas cudromach a bh' ann a thaobh eachdraidh an Dàrna Cogaidh oir chaidh uidheamachd a' lorg air seòladair a thàinig aiste beò a bha deatamach ann a bhith a' briseadh còd an t-inneal dìomhair Enigma. Cluinnear iomradh air na thachair bho Iain MacAmhlaigh.

Thèid rannsachadh sònraichte a' dhèanamh air a' ghrèin leis an sgrùdaire-fànais Solar Orbiter agus 's ann an t-seachdain ‘sa fhèin a' thog an rocaid a tha ga ghiùlain suas chun na speuran. Thathar ag amas tuigse nas fheàrr fhaighinn air an rionnag as fhaisg oirnn agus a’ bhuaidh a th' aige air a’ chruinne-cè. Innsidh Iain MacIlleathain an tuilleadh mun iomairt agus an teicneolas a tha na lùib.

Chuir ughdarrasan Berlin casg air àrdachadh mal thaigheadais airson an ath chòig bliadhna ri linn gearainean agus draghan gu robh e a' fàs ro dhaor do dhaoine a bhi a' fuireach anns a’ bhaile. Se adhbhar connspaid a th'ann agus tha Michael Klevenhaus gu bhith a' mìneachadh na beachdan eadar-dhealaichte a th'aig muinntir na sgìre.

Agus tha Aonghas Pàdraig Caimbeul air ais le cunntas eile air na bha dol air an t-seachdain seo ann an eachdraidh. bbc.co.uk/coinneach