´óÏó´«Ã½

Anns an t-seirbheis cluinnidh sibh na sailm agus an leughadh a leanas:
Salm 40: 1-2 air fonn St David agus ‘s e Ailean Guinne a tha os cionn na seinn le taic bho choitheanal Eaglais Shaor a’ Chaoil.
Salm 62: 6-7 air fonn St Mary’s agus ‘s e an t-Urr Coinneach Fearghasdan a tha os cionn na seinn le taic bho choitheanal Eaglais Shaor a’ Bhac.
Salm 31: 23-24 air fonn Stornoway agus ‘s e D M Fearghasan a tha os cionn na seinn le taic bho choitheanal Eaglais na h-Alba air air an Tairbeart.

Leughadh: Salm 27: 1-14
Ceann-teagaisg: Salm 27: 13 & 14

'S ann à Nis ann an Eilean Leòdhais a tha Pòl agus às dèidh dha an sgoil fhàgail, chaidh e a Ghlaschu far an robh e ag ionnsachadh mu choinneamh obair ann a bhith a' stiùireadh gnìomhachas togail. Nuair a bha e deiseil, thill e air ais a Leòdhas agus bha e ag obair aig companaidh togail athar.

Airson iomadach bliadhna bha Pòl a' faireachdainn gun robhas ga ghairm chun na ministrealachd, agus anns an t-Sultain 2014 lean e an t-slighe sin le bhith a' tòiseachadh air cùrsa ann an Sgoil Dhiadhaireachd Dhùn Èideann.

Tha Pòl pòsta aig Amanda a bhuineas don Òb sna Hearadh agus tha triùir a theaghlach aca. Nuair a gheibh e ùine dha fheìn, is caomh le Pòl a bhith a' leughadh agus a' cur seachad nas urrainn dha de dh'ùine còmhla ri theaghlach.