´óÏó´«Ã½

Tha Mark Mac a' Ghobhainn còmhla ri Cathy NicDhòmhnaill le suipeir airson deireadh na seachdain. An t-seachdain'sa, 's e sliosan circe air an còcaireachd ann an diofar dhòigean a th'aige.. Tha Mark cuideachd, gach Dihaoine, a'toirt sùil air beatha agus obair còcaire ainmeal. An-diugh, Paul Hollywood.

Cluinnidh sinn bho Christina NicChonail mu Claudette Colvin. Cha robh Claudette ach còig blidhna deug nuair a shuidh i air bus ann an Montgomery, Alabama, ann an
suidheachan a bh'air a chomharrachadh do dhaoine geala a-mhàin agus chaidh i dhan a phrìosan air a shàilleamh. Bha seo faisg air bliadhna mus do thachair an aon rud ri Rosa Parks. Ged as aithne dhuinn uile sgeulachd Rosa Parks, gheibh sinn a-mach carson nach robh sgeulachd Claudette cho aithnichte.

Nochd dealbhan breàgha 's na naidheachdean an dè, de bhroc bheag òg, a chaidh a lorg ann an coille faisg air Inbhirnis, 's e air chall bhon corr dhen t-àl. Tha e a-nise fo chùram Comann Rìoghail Albannach airson Dìon nan Ainmhidhean, a tha ga àrach. Cluinnidh sinn an tuilleadh mu na beathaichean sonraichte so bhon t-eòlaiche ainmhidhean, Eòghann MacChoinnich.

Agus bidh Lana Pheutan a' toirt sùil air beatha agus obair chleasaichean Albannach an là an-diugh. 'S e David Tennant agus Shirley Henderson a th'aice an-diugh.

Ceòl bho Justin Bieber, Bow Anderson, Celeste agus mòran eile. www.bbc.co.uk/feasgar